Kokkinakis v. Greece: Droit réservé
Efoto nọ rre odukhunmwu vbe obiyọmwa: West Virginia State Board of Education v. Barnette; Efoto nọ rre odukhunmwu vbe oberhọmwa: Kokkinakis v. Greece; Efoto nọ rre ototọ vbe oberhọmwa: Taganrog LRO and Others v. Russia; Efoto nọ rre ototọ vbe obiyọmwa: Cha and Others v. South Korea
UYINMWẸ ỌGHE IMA NE IVBIOTU E KRISTI
“Sinmwi Oseghe” Ne Iyẹn Nọ Maan
Vbe ẹghẹ ne avbe eghian na gha kpokpo Ivbi Izrẹl, ne iran ghẹ mieke na sẹtin werriegbe bọ Ọgua Osa nii, Ivbi e Ju ni bọ nene Ọgua Osa keghi hia ne iran gi emwa rẹn wẹẹ, iran gele mwẹ asẹ ne iran khian ya ru iwinna nii. (Ẹzr 5:11-16) Ivbiotu e Kristi ni rrọọ vbe ẹdẹnẹrẹ wa vbe hia ne iran sinmwi oseghe ne iyẹn nọ maan, na ghẹ mieke na mu idobo ye iwinna iran. (Fil 1:7) Ọna ẹre ọ si ẹre na na mu ugha iwinna na tie ẹre Legal Department gbọọ, vbe igiogbẹ ọghe ima vbe ukpo 1936. Vbe ẹdẹnẹrẹ, ugha iwinna na tie ẹre World Headquarters Legal Department ẹre ọ siẹnro emwamwa hia na ru, na ya sinmwi oseghe ye iwinna Arriọba vbe uhunmwu otagbọn hia. De vbene ugha iwinna na he ya ya iwinna arriọba gha mwẹ alaghodaro hẹ, de vbene ọ he vbe ya ru iyobọ ne emwa ọghe Osanobua hẹ?
GHEE VIDIO NỌ MWẸ UHUNMWUTA NỌ KHARE WẸẸ, EMWI NỌ SUNU VBE LEGAL DEPARTMENT NỌ RRE IGIOGBẸ, IYEKE ỌNI, A GHI ZẸ EWANNIẸN YE AVBE INỌTA NA:
De ọlọghọmwa eso ne Avbe Osẹe Jehova he miẹn, nọ ghi ya iran gha rrie owa ẹzọ?
De vbene obọ ima he ya ke ukhunmwu ne emwa ni zẹ ima kpokpo hẹ, vbe owa ẹzọ? Ru igiemwi yọ
De emwi ne dọmwadẹ ima gha sẹtin ru, ne ima ya “sinmwi oseghe” ne iyẹn nọ maan?
De eke ne ima khian na miẹn iyẹn eso vbe wẹbsait ọghe ima, nọ dekaẹn vbene a ya zẹ eguọmwadia e Jehova kpokpo hẹ kevbe Avbe Osẹe Jehova ni rre eghan rhunmwuda iyayi ọghe iran?