UYINMWẸ ỌGHE IMA NE IVBIOTU E KRISTI
Iran Kakabọ Winna Ne Iran Mieke Na Sẹtin Ru Iyobọ Ne Ima
Te avbe ọgbaroghe ọghe otako kevbe ọvbokhan iran, wa hoẹmwẹ etẹn ni rre iko ne iran mu otuẹ yo, erriọ iran vbe ya ya ekhọe hia ru iyobọ ne iran. Iran mwẹ ọlọghọmwa ọghe obọ iran vbene ima nikẹre vbe ye, ọ vbe mwẹ ẹghẹ eso ne egbe ya wọọ iran, kevbe ne iran ya si osi. (Jems 5:17) Ọrheyerriọ, te iran ye hia ne iran rhie igiọdu ne etẹn nikpia kevbe etẹn nikhuo ni rre iko ne iran mu otuẹ yo, uzọla uzọla. Avbe ọgbaroghe ọghe otako gele sẹ ne ima gha “rhie ọghọ na ẹsẹse.”—1 Tim 5:17.
Vbe ẹghẹ ne ukọ e Pọl ya gha ru emwamwa nọ khian ya mu otuẹ gha rrie Rome, nọ mieke na sẹtin “rhie afiangbe ọghe orhiọn” ne etẹn ni rre evba, ọ na wa gha ghọghọ rhunmwuda, ọ rẹnrẹn wẹẹ iran gha “rhie igiọdu ne egbe.” (Rom 1:11, 12) U he ka muẹn roro, vbene u gha ya sẹtin rhie igiọdu ne ọgbaroghe ọghe otako ọghe uwa kevbe ọvbokhan rẹn, deghẹ ọ rhie okhuo nẹ ra?
GHEE VIDIO NỌ MWẸ UHUNMWUTA NỌ KHARE WẸẸ, IWINNA ỌGBAROGHE ỌGHE OTAKO NA GIE YO IGUE, IYEKE ỌNI, A GHI ZẸ EWANNIẸN YE AVBE INỌTA NA:
De vbene avbe ọgbaroghe ọghe otako kevbe ọvbokhan iran ya rhie ẹre ma wẹẹ, iran hoẹmwẹ etẹn ni rre uwu iko?
De vbene iran he ya ru iyobọ nuẹn hẹ?
Vbe ima khian ya rhie igiọdu ne iran hẹ?