EMWI EWE NI RRE UWU ẸMWẸ ỌGHE OSANOBUA

Ahoẹmwọmwa Nẹi Beghe Ọghe Jehova Gbogba Ga Ima Ne Esu Ghẹ Sẹtin Rẹrẹ Ima

Esu hoo ne emwa gha roro ẹre wẹẹ, e Jehova ẹre ọ si ẹre ne emwi dan na sunu (Job 8:4)

Ọ gha hoo ne ima gha roro ẹre wẹẹ, ọ ma kaẹn Jehova deghẹ ima mu ẹtin yan rẹn ra ma ma mu ẹtin yan rẹn (Job 9:20-22; w15 7/1 12 ¶3)

Ahoẹmwọmwa nẹi beghe ọghe Jehova ru iyobọ ne ima, ne Esu ghẹ mieke na sẹtin ya ohoghe nọ ta mu ima rẹrẹ, ọ vbe ru iyobọ ne ima ya gha ru emwi nọ yẹẹ Osanobua (Job 10:12; Psm 32:7, 10; w21.11 6 ¶14)

Ọtẹn nokhuo ọkpa gha gbẹnnẹ afiangbe ughughan nọ he miẹn yotọ, ọ vbe mu iran roro. Vbe avbe efoto ne kuẹi na mu ladian, ọdọ vbe amwẹ ọkpa ya dẹlẹ emwi eso viọ gie ẹre, ọtẹn nokhuo ọvbehe muẹn dede vbe Ọgua Arriọba, ọ vbe ghee JW Broadcasting.

DANMWẸ ỌNA GHEE: U ghaa rre uwu edanmwẹ, hia ne u rẹn odẹ ughughan ne Jehova ya rhie ẹre ma wẹẹ irẹn mwẹ ahoẹmwọmwa nẹi beghe nuẹn, iyeke ọni, u ghi gbẹnnẹ ọnrẹn yotọ, u vbe gha rhie aro lae vbe ẹghẹ hia, ọna gha ru iyobọ nuẹn ya zin egbe.