UYINMWẸ ỌGHE IMA NE IVBIOTU E KRISTI

Emwi Ne I Gha Ru Ne Emwa Mieke Na Gha Ya Aro Nọ Maan Ghee Ima

Aro emwa wa sotọ vbe egbe Avbe Osẹe Jehova. (1 Kọr 4:9) Ma sẹtin nọ egbe ima wẹẹ, ‘Ẹmwẹ ne I ta kevbe uyinmwẹ mwẹ, rhie uyi gie Jehova ra?’ (1 Pit 2:12) Ke ẹghẹ gha dee, te Avbe Osẹe Jehova wa ru emwi nọ ya emwa nibun ya aro nọ maan ghee iran. Ọ ma khẹke ne ima ru emwi rhọkpa nọ gha sa ọrho ye eni nọ maan ne ima ne Avbe Osẹe Jehova mwẹ.—Asan 10:1.

Gbẹnnẹ emwi nọ khẹke ne Ovbi Otu e Kristi ru, deghẹ emwi na gbẹnnẹ ye ototọ mwa na sunu:

Ọmwa nẹi re Osẹe Jehova wa ya ohu ta ẹmwẹ dan vbekpa ruẹ

Ewanniẹn ruẹ
Deghẹ ukpọn ruẹ, imọto ruẹ ra owa ruẹ na gbiruẹn

Ewanniẹn ruẹ
Arriọba gbe uhi ọkpa nọ lọghọ na lele, ra ne u ghee re wẹẹ ọ ma khẹke

Ewanniẹn ruẹ

Avbe Efoto: Efoto ni ladian vbe vidio nọ mwẹ uhunmwuta nọ khare wẹẹ, “Emwi Ne Ima Ru Ne Emwa Mieke Na Gha Ya Aro Nọ Ghaan Ghee Ẹmwata Nọ Rre Baibol.” 1. Ọtẹn nokpia ọkpa gha loo ebe ọkpa ya ru ezanzan. 2. Ọtẹn nokpia ọkpa kevbe ọtẹn nokhuo ọkpa gha rhie aro la ebe ọkpa na loo ya ru ezanzan. 3. Ebe eso na loo ya ru ezanzan rre ọkpẹn ebe ẹmu na tie ẹre, “The Origin of Life—Five Questions Worth Asking.” 4. Okhuo ọkpa ya efoni ọghẹe lae jw.org.

De emwi ne avbe etẹn ni ru ezanzan vbe Writing Department ru, ne emwa mieke na gha ya aro nọ maan ghee Avbe Osẹe Jehova?

GHEE VIDIO NỌ MWẸ UHUNMWUTA NỌ KHARE WẸẸ, EMWI NE IMA RU NE EMWA MIEKE NA GHA YA ARO NỌ GHAAN GHEE ẸMWATA NỌ RRE BAIBOL, IYEKE ỌNI, A GHI ZẸ EWANNIẸN YE INỌTA NA:

De emwi nọ yẹẹ ruẹ vbekpa emwi ne otu na ru, ne emwi ne ima gbẹnnẹ ladian mieke na gha re nọ gbae?

Ewanniẹn ruẹ