Emwi Nọ Gha Ru Iyobọ Nuẹn Vbe U Ghaa Ruẹ Emwi

Hia ne u rẹn avbe “Ihuan Ugamwẹ” ye uhunmwu

E Lorraine nọ rre U.S.A khare wẹẹ, “Ẹghẹ ke ẹghẹ ne I ya roro ẹre wẹẹ, I i mwẹ esa ne I ye, e Jehova ghi loo avbe ihuan ọghomwa ni rre JW Broadcasting^® ya rhie igiọdu mẹ.”

Ke ẹghẹ gha dee ẹre Ivbi Otu e Kristi ke loo avbe “ihuan ugamwẹ.” (Kọl 3:16) U gha rẹn avbe ihuan na ye uhunmwu, ọ gha sẹtin ru iyobọ nuẹn, deghẹ ebe ihuan ra efoni i gue ruẹ. Emwi na khian guan kaẹn na gha ru iyobọ nuẹn ya rẹn avbe ihuan na ye uhunmwu.

• Gbarokotọ tie avbe ẹmwẹ na loo ro vbe nene ihuan, ne u mieke na rẹn otọ re. Emwi ne ọmwa rẹn ototọ re ẹre ọ rherhe yerre. Ẹmwẹ na loo ro vbe ihuan ọghe ima hia, ya sẹ egbe avbe ihuan ọghomwa (original song) kevbe ọghe ibiẹka, wa rre jw.org. U gha miẹn ọnrẹn vbe ako na tie ẹre Aza, u ghi lae ako na tie ẹre Ẹgiọn.

• Gbẹnnẹ ẹmwẹ na loo ro vbe nene ihuan ladian. U gha ru vberriọ, ọ gha ru iyobọ nuẹn ya kakabọ rẹn nene ihuan ye uhunmwu.—Diut 17:18.

• Gha so ẹre ladian. U ghi gha tie ẹre ra u gha so ẹre yan egbe yan egbe.

• Ghee ẹre deghẹ u gha ye nene ihuan rre. Hia ne u so nene ihuan vbene u i na ghee ebe ne u gbẹn ọnrẹn yi, iyeke ọni, u ghi ghee nene ebe, ne u mieke na rẹn vbene u he ruẹ ọre sẹ hẹ.