Vbene U Khian Ya Sẹtin Miẹn Emwi Ruẹ Vbe Avbe Efoto Ni Rre Ebe Ọghomwa

Efoto ni bun wa rre ebe ọghomwa ni wa ma ima emwi kpataki. Vbua khian ya miẹn emwi ruẹ vbe avbe efoto na?

• Ka rhie aro la avbe efoto na nẹ, u ke tie avbe okhuẹn ni rrọọ. Avbe efoto na sẹtin ya ruẹ gha kpe ẹho khẹ emwi ne u khian tie vbe nene ebe. Vbene ọ vbe ye vbe ọmwa gha “bẹghe” evbare nọ rhiẹnrhiẹn vbe ọkpan, ọ ghi gha hoo nọ de yan rẹn. Nọnaghiyerriọ, u ghi nọ egbuẹ wẹẹ, ‘De emwi ne I bẹghe?’​—Emọs 7:​7, 8.

• Zẹvbe ne u ya tie avbe okhuẹn ni rre uhunmwuta ne u tie, u ghi muẹn roro evbọzẹe ne iran na loo avbe efoto ni rrọọ. Tie evba gbẹnnẹ ye ototọ efoto kevbe ẹmwẹ na ya rhan otọ emwi ne efoto nii demu. U ghi vbe muẹn roro vbene efoto nii ya dekaẹn emwi na guan kaẹn kevbe vbene ọ ya dekaẹn uwẹ tobọ uwẹ hẹ.

• U gha ghi tie avbe okhuẹn ni rrọọ fo nẹ, u ghi ghee avbe efoto nọ rrọọ ne u mieke na ye avbe olika ẹmwẹ ni rrọọ rre.

• Ghee avbe efoto ni rre ebe Owa Ọkhẹ na deghẹ u gha sẹtin ye emwi ne u ruẹ re rre.