Yan Zabolotnyi/stock.adobe.com
WA GHA BODẸ!
Ọkhọ Wa Muan Yọ Vbe Ehe Hia Vbe Uhunmwu Otagbọn—De Emwi Ne Baibol Tae?
Ẹbu emwa ni gbe olighi wa mu emwi rhia vbe Haiti. Emwa keghi gu egbe khọn vbe South Africa, kevbe Mexico, erriọ ẹre ọ wa vbe ye vbe avbe ẹvbo ni rre Latin America. Emwa ni rre avbe ẹvbo ne emwa i na kakabọ gu egbe khọn keghi mu ohan, rhunmwuda ne oyi na la owa emwa kevbe ne iran na vbe dolo emwi ẹrrẹe viọ.
De emwi ne Baibol tae vbekpa emwi nọ si ẹre ne ọkhọ na muan yọ muan yọ?
Emwi ne Baibol tae
E Baibol khare wẹẹ, ọkhọ ra gha rre usun emwi ne ima khian ya rẹn wẹẹ, “ẹghẹ ufomwẹ agbọn sẹ nẹ.” (Matiu 24:3) Vbe Jesu ghi guan kaẹn vbene ima khian ya rẹn wẹẹ, ẹghẹ ufomwẹ sẹ nẹ, ọ na wẹẹ:
E Baibol vbe kha wẹẹ, vbe “ẹdẹ okiekie . . . emwa i ghi sẹtin da egbe iran yi, aro emwa ghi gha kpannọ ugiọnmwẹ erhẹn, emwa ghi khian ne emwi nọ maan i yẹẹ.” (2 Timoti 3:1-5) Avbe uyinmwẹ vbenian ẹre ọ si ẹre ne ọkhọ na gba ehe hia vbe ẹdẹnẹrẹ.
Sokpan, emwi hia gha maan. E Baibol tama ima wẹẹ, vbe nẹi khian ghi kpẹẹ gbe uyinmwẹ ọkhọ i khian gha rrọọ.
U gha gualọ iran, sokpan, u i ra miẹn iran. Sokpan, emwa ọmẹhẹ ẹre ọ ra yin otọ nii, iran ghi vbe gha ya ọfunmwegbe zọmọ vbe uwu ẹre.”—Psalm 37:10, 11.
Deghẹ u hoo ne u rẹn sayọ vbekpa ẹmwẹ ayayẹro ni rre uwu e Baibol, kevbe emwi nọ ya ima yayi wẹẹ, avbe emwi ne Baibol tae ẹre ọ sunu vbe ẹdẹnẹrẹ, ya tie avbe uhunmwuta na.
“A Real Hope for a Better Tomorrow”