Jesu Gha Dobọ Uyinmwẹ Ọkhọ Yi

Jesu wa rhioya rhunmwuda uyinmwẹ ọkhọ kevbe na na gbe ẹre ekueku. A ba Jesu ifiẹzọ ohoghe, a gbe ẹre, a bu ohiẹn eku gbe ẹre, a na vbe gbe ẹre rua. Agharhemiẹn wẹẹ, ọ ma rẹn ọkpa rẹn eva, ọ na ya arrọọ ọghẹe zọ ese nọ mieke na ya “dẹ emwa nibun werriegbe.” (Matiu 20:28; Jọn 15:13) Zẹvbe Ọba ọghe Arriọba Osanobua, Jesu gha rhie ibuohiẹn ata ma vbe agbọn na, ọ ghi wabọ uyinmwẹ ọkhọ vbe etẹbitẹ.​—Aizaia 42:3.

E Baibol gie vbene agbọn na khian gha ye hẹ vbe Jesu gha ghi zẹ emwi ru nẹ:

• “Vbọ ma he kpẹẹ wan, a gha ho emwa dan bẹkun. U gha gualọ iran, sokpan, u i ra miẹn iran. Sokpan emwa ọmẹhẹ ẹre ọ ra yin otọ nii, iran ghi vbe gha ya ọfunmwegbe zọmọ vbe uwu ẹre.”​—Psalm 37:10, 11.

Vbe ima khian ya rhie ẹre ma wẹẹ, ma gbọyẹmwẹ ye emwi hia ne Jesu he ru kevbe nọ gha vbe ru ne ima vbe nẹi khian ghi kpẹẹ gbe? Odẹ ọkpa ne ima gha ya ru ọna, ọre ne ima ruẹ vbekpa “iyẹn nọ maan ọghe Arriọba Osanobua,” ne ọre emwi ne Jesu wa gha ma emwa re vbe ọ rre agbọn na. (Luk 4:43) Ya tie uhunmwuta na, “De Emwi ne Arriọba Osanobua Khin?”