Gha Ru Iyobọ Ne Emwa Ne U Ghẹ Mieke Na Gha Rre Uwu Ohioro​—Emwi Ne Baibol Tae

Vbe ehe hia vbe uhunmwu otagbọn, emwa keghi rre uwu ohioro, iran ghi vbe gha roro ẹre wẹẹ, iran i mwẹ ne iran gu agbọn ye. Avbe ọbo ebo eso khare wẹẹ, ọmwa na gha ru iyobọ ne emwa ọvbehe, ọ gha sẹtin ru iyobọ nẹẹn, nẹ ghẹ gha rre uwu ohioro.

• U.S. National Institutes of Health khare wẹẹ: “A ghaa ru iyobọ ne emwa ni gualọ iyobọ, ọ sẹtin ya arrọọ ọghe ima gha mwẹ emwi nọ demu, ọna gha vbe ru iyobọ ne ima, ne ima ghẹ gha rre uwu ohioro.”

E Baibol gi ima rẹn emwi eso ne ima gha sẹtin ru ya ru iyobọ ne emwa ọvbehe. Ma gha ya emwi ne Baibol ta ru emwi, ọ gha ru iyobọ ne ima vbe ima ghaa rre uwu ohioro.

Emwi ne u gha sẹtin ru

Gha zẹ emwi obọ. Gha mwẹ ẹghẹ ne emwa, u ghi vbe gha ya egbe rhorho iran. Gha ya emwi ne u mwẹ ru ẹse ne emwa. U gha ru ọna, ẹ i mwẹ iran ma kpọnmwẹ ruẹ, ọna sẹtin vbe ya uwa do gha re ọse.

• Emwi ne Baibol khare: “Wa gha re emwa ni zẹ emwi obọ, ẹghẹ nii, emwa ghi vbe gha zẹ emwi obọ ne uwa.”​—Luk 6:38.

Gha loo ẹrhiọn ruẹ ne emwa. Gualọ odẹ ne u gha ya ru iyobọ ne emwa ni rre uwu ọlọghọmwa. Ọna rhie ma wẹẹ, u ghi gha rhie ehọ ne iran ta yi, ra u sẹtin gu iran ru emwi eso nọ gha ya emwi gha khuẹrhẹ ne iran.

• Emwi ne Baibol khare: “Ọse ọghe ẹmwata keghi rhie ahoẹmwọmwa ma vbe ẹghẹ hia.”​—Itan 17:17

U ghaa hoo ne u rẹn sayọ vbekpa vbene u khian ya sẹtin gha re ọse nọ maan, ya tie uhunmwuta na, “Family Life and Friendships.”