Jesu Gha Dobọ Okuo Yi

Vbe Jesu rre agbọn na, ọ keghi rhie ẹre ma wẹẹ, irẹn hoẹmwẹ emwa nagbọn ẹsẹse, sẹrriọ wẹẹ, ọ na ya arrọọ ọghẹe zọ ese ne iran. (Matiu 20:28; Jọn 15:13) Vbe nẹi khian ghi kpẹẹ gbe, ọ gha werriegbe rhie ahoẹmwọmwa ọghẹe ma, ọ ghi loo asẹ nọ mwẹ zẹvbe Ọba ọghe Arriọba Osanobua ya “dobọ okuo yi vbe uhunmwu otagbọn hia.”​—Psalm 46:9.

Ghee emwi eso ne Baibol we Jesu khian ru:

• “Irẹn gha miẹn avbe ivbiogue ni kpee tiẹre fan, deba iran nẹi mwẹ kevbe na he. Ọ gha tohan iran ni ma wegbe kevbe ivbiogue, ọ ghi vbe gi iran ni vbabọ miẹn uhunmwu. Ọ gha miẹn iran fan hin obọ a zẹ ọmwa kpokpo kevbe ọkpankpan rre.”​—Psalm 72:12-14.

Vbe ima khian ya rhie ẹre ma wẹẹ, ma gbọyẹmwẹ ye emwi hia ne Jesu he ru kevbe nọ gha vbe ru ne ima vbe nẹi khian ghi kpẹẹ gbe? Odẹ ọkpa ne ima gha ya ru ọna, ọre ne ima ruẹ vbekpa “iyẹn nọ maan ọghe Arriọba Osanobua,” ne ọre emwi ne Jesu wa gha ma emwa re vbe ọ rre agbọn na. (Luk 4:43) Ya tie uhunmwuta na, “De Emwi ne Arriọba Osanobua Khin?”