Jesu Gha Wabọ Usẹ Hin Agbọn Na Rre

Vbe Jesu rre agbọn na, ọ keghi rhie ẹre ma wẹẹ irẹn kakabọ hoẹmwẹ emwa, katekate avbe ivbi ogue kevbe emwa ni ghaa rre uwu ọlọghọmwa. (Matiu 9:36) Ọ keghi ya arrọọ ọghẹe zọ ese ne emwa ọvbehe. (Matiu 20:28; Jọn 15:13) Vbe nẹi khian ghi kpẹẹ gbe, ọ gha werriegbe rhie ahoẹmwọmwa ọghẹe ma, ọ ghi loo asẹ nọ mwẹ zẹvbe Ọba ọghe Arriọba Osanobua ya wabọ usẹ hin agbọn na rre.

Ẹmwẹ nọ mu ọmwa ekhọe ẹre Baibol loo ya gie emwi ughughan ne Jesu khian ru:

• “Ọ gha bu ohiẹn ẹse ne avbe ivbiogue, ọ ghi miẹn ivbi iran fan.”​—Psalm 72:4.

Vbe ima khian ya rhie ẹre ma wẹẹ, ma gbọyẹmwẹ ye emwi hia ne Jesu he ru kevbe nọ gha vbe ru ne ima vbe nẹi khian ghi kpẹẹ gbe? Odẹ ọkpa ne ima gha ya ru ọna, ọre ne ima ruẹ vbekpa “iyẹn nọ maan ọghe Arriọba Osanobua,” ne ọre emwi ne Jesu wa gha ma emwa re vbe ọ rre agbọn na. (Luk 4:43) Ya tie uhunmwuta na, “De Emwi ne Arriọba Osanobua Khin?”