NASA Photo
WA GHA BODẸ!
Arriọba Ne Emwi Hia Na Khian Ẹse Nọ Gha Sẹtin Kha Yan Uhunmwu Otagbọn Na Rrọọ Ra?—De Emwi Ne Baibol Tae?
Te arriọba emwa nagbọn hia vbe ẹdẹnẹrẹ wa werriẹ aro daa ọlọghọmwa ughughan. Uhiẹn vbe avbe ẹvbo ne emwi na zẹye, te avbe arriọba ni rre evba ye beghe, rhunmwuda ne emwa na na iyẹn ohoghe vbekpa emwa ni rre ukpo arriọba, rhunmwuda ne ebe na rhie ye ẹkpẹti ọghe ọmwa nọ la ukpo na ye kherhe bun sẹ ọghe ọmwa ne iran gba suan, rhunmwuda ne emwa ni rre ukpo arriọba na gu egbe khọn kevbe ne emwa eso na sinmwi oseghe ẹvbo.
E Baibol gi ima rẹn wẹẹ, arriọba ọkpa rrọọ ne emwi hia khian na gha khian ẹse. Ẹ i mwẹ u ma he họn vbekpa arriọba na. E Jesu ya unu kaẹn Arriọba na vbe ọ ma erhuanegbe ẹre vbene a ya na erhunmwu hẹ.
“Nọnaghiyerriọ, wa ghi gha na erhunmwu vbenian: ‘Erha mwa nọ rre ẹrinmwi, gi eni ruẹ gha re na kpe huan. Gi Arriọba ruẹ rre. Gia gha ru emwi ne u hoo vbe agbọn na, zẹvbe na vbe ru ẹre vbe ẹrinmwi.’”—Matiu 6:9, 10.
De emwi ne Baibol tae vbekpa Arriọba na?
Arriọba ne emwi hia na khian ẹse
Ẹrinmwi ẹre Arriọba na khian ke gha kha.
Jesu khare wẹẹ, “Arriọba ẹrinmwi” ẹre nene arriọba khin. (Matiu 4:17; 5:3, 10, 19, 20) Ọna ẹre ọ si ẹre ne Jesu na kha wẹẹ: “Arriọba mwẹ i re ọghe agbọn na.”—Jọn 18:36.
Arriọba na gha rhie ihe arriọba emwa nagbọn hia.
E Baibol khare wẹẹ: “Osanobua ẹrinmwi gha mu arriọba nẹi khian fo vbe otọ gbọọ. A i khian vbe sẹtin khọn rẹn ẹdẹ, sokpan, irẹn gha fuẹn avbe arriọba [emwa nagbọn] nii fẹẹrẹ, irẹn ghi gha rrọọ ẹdẹdẹmwẹdẹ.”—Daniẹl 2:44.
Te Arriọba ne Jesu na kha zẹvbe Ọba khian gha rrọọ vbe etẹbitẹ.
E Baibol khare wẹẹ: “Asẹ ọre ghi gha rrọọ rhinrin vbe etẹbitẹ, a i khian guọghọ arriọba ọghẹe.”—Daniẹl 7:13, 14.
Arriọba na gha ya emwa hia gha mwẹ ọfunmwegbe kevbe agbẹkunsotọ.
E Baibol khare wẹẹ: “Edọmwadẹ ọghẹe ghi gha rrọọ vbe ọfunmwegbe vbe ugbo azara kevbe oliv ọghẹe, ọmwa rhọkpa i ghi vbe mu ohan.”—Maika 4:4.
Ruẹ sayọ vbekpa Arriọba na
Vbe Jesu rre agbọn, ẹghẹ hia ẹre ọ ya gha “kporhu iyẹn nọ maan ọghe Arriọba” na. (Matiu 9:35) Ọ vbe tae ye otọ wẹẹ:
“A gha vbe kporhu iyẹn nọ maan ọghe Arriọba la uhunmwu otagbọn hia, nọ gha re osẹ ne agbẹnvbo hia, iyeke ọni, ufomwẹ ghi rre.”—Matiu 24:14.
Vbe ẹdẹnẹrẹ, ọ gberra otọ ẹvbo 240, na na kporhu iyẹn nọ maan ọghe Arriọba na. Ma rhie igiọdu nuẹn ne u hia, ne u ruẹ emwi ni bun vbekpa arriọba na kevbe afiangbe ne u gha miẹn vbe nene arriọba gha suẹn gha kha yan agbọn na nẹ.
Lahọ ghee vidio na, De Emwi Ne Arriọba Osanobua Khin?