Umian Nọ Ya Ọmwa Mwẹ Amuẹtinyan Nọ Wegbe

9:1-7

Muẹn roro vbene ọ ghaa ye Jesu hẹ, vbe ẹghẹ ne Erhae ya ke ẹrinmwi kha wẹẹ, ọ mwẹ akueyi ọghe irẹn. Vbe ne ai na gbawawẹ, ọna wa rhie igiọdu ne Jesu, ne ọ ya sẹtin lae gberra ighẹ oya nọ khian re vbe odaro. Umian na wa vbe ru iyobọ ne Pita, e Jems kevbe Jọn ẹsẹsẹmwẹse. Umian na keghi ya iran gha mwẹ ilẹkẹtin wẹẹ Jesu ẹre ọ gele re ne Mezaia, kevbe wẹẹ ọ khẹke ne iran gha họn ẹmwẹ nẹẹn. Vbe ukpo 32 ghi gberra nẹ, e Pita na ye yee ẹre rre ighẹ emwi nọ sunu vbe ẹdẹrriọ kevbe vbene ọ ya ye amuẹtinyan ne irẹn mwẹ dae ẹmwẹ “akhasẹ” wegbe sayọ.—2 Pit 1:16-19.

Agharhemiẹn wẹẹ aro ima ma sẹ umian nọ hionkhuan nii, ma keghi bẹghe vbene ọ ya mwẹ amusẹ hẹ vbe ẹdẹnẹrẹ. Jesu kha nẹ zẹvbe Ọba nọ mwẹ ọdakha nọkhua vbe ẹrinmwi. Vbe ne ẹi khian ghi kpẹẹ gbe, Jesu gha “khọnmiotọ” yan avbe eghian Osanobua; ọna ẹre ọ khian ghi su fi agbọn ọghe paradais nọ dee.—Arhie 6:2.

De vbene avbe ẹmwẹ akhasẹ ni mwẹ amusẹ, he ya ye amuẹtinyan ọghuẹ khian nọ wegbe sayọ hẹ?