Vbene A Ya Guẹ Sayọ Vbe Iwinna Ikporhu—Vbene A Khian Ya Loo E Ne Ebe “Keep Yourselves in God’s Love” Ya Sẹ Emwa Ekhọe Hẹ

EVBỌZẸ NE Ọ NA RU EKPATAKI: Ne Jehova mieke na miẹn ugamwẹ ọghe ima yi, te ima gha rẹn avbe ilele ọghẹe kevbe ima ghi vbe gha yae ru emwi. (Aiz 2:​3, 4) Ne ebe “God’s Love” nọ re ebe nogieva ne ima ya ma emwa emwi, keghi ru iyobọ ne emwa ne ima gu ruẹ e Baibol ne iran ya rẹn vbene iran khian ya sẹtin ya ilele ọghe Baibol ru emwi hẹ vbe arrọọ ọghe iran. (Hib 5:14) Te ima gha hia ne ima sẹ iran ekhọe, ne emwi ne iran ruẹ mieke na gua iran kpa ya ru afiwerriẹ vbe arrọọ ọghe iran.​—⁠Rom 6:⁠17.

VBENE A YA RUẸ HẸ:

• Muegbe yotọ ẹse, ne u mieke na rẹn vbene u khian ya ru iyobọ ne ọmwa ne u gu ruẹ e Baibol hẹ. Mwamwa inọta eso ne u gha nọ, ne u ya rẹn emwi nọ rre ọre ekhọe vbe nọ dekaan ako ne uwa ruẹ.​—⁠Itan 20:5; be 259

• Loo ẹkpẹtin hia nọ rre nene ebe, ya ru iyobọ ne ọmwa ne u ma re emwi nọ ya rẹn vbene ọ ru ekpataki sẹ hẹ na gha ya avbe ilele ọghe Baibol ru emwi vbe arrọọ ọghomwa

• Ru iyobọ ne ọmwa ne u ma re emwi nọ ya rẹn emwi eso nọ khẹke nọ gha ya ekhọe obọre ru, sokpan ghẹ zẹ yọre obọ.​—⁠Gal 6:5

• U ghi gbarokotọ ẹse ne u ya rẹn deghẹ ako eso rrọọ ne ọmwa ne u ma re emwi na gualọ iyobọ vbe nọ dekaan na ya avbe ilele ọghe Baibol ru emwi. Fẹko rhie igiọdu nẹ, nọ ya ru afiwerriẹ eso rhunmwuda ahoẹmwọmwa nọ mwẹ ne Jehova.​—⁠Itan 27:11; Jọn 14:⁠31