Vbene A Ya Loo Avbe Efoto Kevbe Isama Hẹ

Gẹnẹsis 15:5

UHUNMWU ẸMWẸ: Gha loo efoto kevbe isama rhunmwuda, ọ gha ru iyobọ ne emwa ne u gu guan ya rẹn otọ uhunmwu ẹmwẹ ọghe ọta ruẹ kevbe ne iran yee ẹre rre.

VBENE A YA RU ẸRE HẸ:

• Gualọ efoto kevbe isama ne u gha loo nọ gha ya emwa rẹn otọre sayọ ighẹ emwi ne u maa iran re. Gha loo avbe efoto, isama kevbe emapu, ne u ya niania avbe uhunmwu ẹmwẹ ne kpataki. Sokpan ghẹ wa gha loo ẹre ya niania ẹmwẹ hia. Gi uhunmwu ẹmwẹ ọghe ọta ruẹ dewuarorua ma emwa ni danmwehọ ruẹ, na ghẹ do miẹn wẹẹ avbe efoto kevbe isama ne iran bẹghe ọkpa ẹre iran khian gha yerre.

• Ọ khẹke ne emwa ni danmwehọ ruẹ bẹghe efoto kevbe isama ne u loo ya maa iran emwi.