UYINMWẸ ỌGHE IMA NE IVBIOTU E KRISTI
Mu Ẹtin Yan E Jehova Vbe Ọmwa Ghaa Kpokpo Ruẹ
Avbe emwa ni hoo ọmwa ẹmwẹ ra ni kpokpo ọmwa sẹtin rhie ikuanegbe ne ima, emwi ne iran ru sẹtin vbe gbe ima orhiọn mu otọ. Deghẹ ohan iran na gha mu ima vbe iran ghaa gbodan ye ugamwẹ ọghe ima, ma sẹtin do gha si egbe ghee iyeke vbe ugamwẹ e Jehova. Vbua khian ya gbogba ga egbuẹ hẹ vbe ọmwa ghaa kpokpo ruẹ?
Eguọmwadia e Jehova nibun rrọọ na ghaa kpokpo, emwi nọ ru iyobọ ne iran, ọre ne iran na mu ẹtin yan e Jehova. (Psm 18:17) Vbe igiemwi, ọ mwẹ okpia ọkpa na tie ẹre Haman nọ ghaa kpokpo emwa ọghe Jehova, ọ keghi ru emwamwa nọ khian ya wabọ iran rua, sokpan Ẹsta keghi ya tama ọba vbekpa emwamwa na. (Ẹst 7:1-6) Vbene ọ te ru vberriọ, ọ na mu awẹ nọ ya rhie ẹre ma wẹẹ irẹn mu ẹtin yan e Jehova. (Ẹst 4:14-16) E Jehova keghi ru ẹre ne emwi hia ne Ẹsta ru dinnodẹ, ọ na vbe gbogba ga re kevbe emwa rẹn.
Avbe igbama, deghẹ ọmwa na gha kpokpo uwa, ọ khẹke ne uwa na erhunmwu gie Jehova nọ ru iyobọ ne uwa, uwa ghi vbe gu emwa ni khian eniwanrẹn nẹ guan, vbe na ghee evbibiẹ uwa. Uwa gha mwẹ ilẹkẹtin wẹẹ, e Jehova gha ru iyobọ ne uwa vbene ọ vbe ru iyobọ ne Ẹsta. De emwi ọvbehe nọ gha ru iyobọ ne uwa vbe ọmwa ghaa kpokpo uwa?
GHEE VIDIO NỌ MWẸ UHUNMWUTA NỌ KHARE WẸẸ, ẸGHẸ NE I NA GHA RE EHỌNRRE—DE EMWI NE I GHA RU VBE ỌMWA GHAA KPOKPO MWẸ? IYEKE ỌNI, A GHI ZẸ EWANNIẸN YE AVBE INỌTA NA:
De emwi ne avbe igbama gha miẹn ruẹ vbe obọ e Charlie kevbe Ferin?
De emwi ne evbibiẹ emọ gha miẹn ruẹ vbe ẹmwẹ ne Charlie kevbe Ferin tae, vbe nọ dekaẹn vbene iran khian ya ru iyobọ ne ivbi iran hẹ, vbe ọmwa ghaa kpokpo iran?