RHIE OBỌ LELẸE
IRUẸMWI 9
Gha Mwẹ Amuroro
Ilele: “Wa gu enọ ghọghọ gha ghọgho; wa ghi gu enọ viẹ gha viẹ.”—Rom 12:15.
Emwi Ne Jesu Ru
1. Ghee VIDIO na, ra u ghi tie Mak 6:30-34. Iyeke ọni, u ghi mu avbe inọta na roro
Vbọzẹ ne Jesu kevbe avbe ukọ ọre na te gha hoo ne iran gha rrie “ehe nọ divbiẹ, ne iran ọkpa gha rre evba”?
Vbọ ya e Jesu suẹn gha ma emwa ni gbẹbu emwi?
Vbe Ima Miẹn Ruẹ Vbe Obọ E Jesu?
2. Ma rẹnrẹn wẹẹ, ọ khẹke ne ima kporhu ma emwa, sokpan, deghẹ ima na gha mwẹ amuroro, ọ gha gua ima kpa, ne ima vbe ya ru iyobọ ne iran.
Ya Egbe Taa E Jesu
3. Gbehọkotọ danmwehọ ọre. Rhie ẹghẹ nẹẹn nọ ya ta emwi nọ rre ọre ekhọe. Ghẹ fian ẹmwẹ ye ọre unu; ọ ghaa ta emwi nọ kpokpo ẹre vbe orhiọn, vbene irẹn ghee emwi eso hẹ, ra emwi eso ne irẹn ma kue yi, ghẹ biabia ẹre rua. U gha gbehọkotọ danmwehọ ọre, te u rhie ẹre ma wẹẹ, u ka ẹmwẹ nọ ta yọ.
4. Gha mu ẹmwẹ ọnrẹn roro. Zẹvbe ne u ya mu emwi ne uwa gba ta roro, u ghi nọ egbuẹ wẹẹ:
‘Vbọzẹ nọ na khẹke ne ọmwa na, rẹn ẹmwata nọ rre Baibol?’
‘Ọ gha suẹn gha ruẹ e Baibol, vbọ khian ya ru iyobọ nẹẹn hẹ vbe ẹghẹ na nian kevbe odaro?’
5. Tama rẹn emwi eso ne u rẹnrẹn wẹẹ, ọ gha ru iyobọ nẹẹn. Ẹkpotọ gha kie nuẹn, u ghi gi ẹre rẹn vbene ima ya gu emwa ruẹ e Baibol hẹ vbobọvbobọ, u ghi la evba ma ẹre vbene Baibol gha ya sẹtin rhie ewanniẹn ye inọta nọ kpokpo ẹre vbe orhiọn kevbe iyobọ ughughan ne Baibol gha sẹtin ru nẹẹn.