U GHA KHIAN SUẸN GHA GU EMWA GUAN
IRUẸMWI 3
Gha Ya Obọ Esi Mu Emwa
Ilele: “Ahoẹmwọmwa keghi mwẹ . . . ekhọe esi.”—1 Kọr 13:4.
Emwi Ne Jesu Ru
1. Ghee VIDIO na, ra u ghi tie Jọn 9:1-7. Iyeke ọni, u ghi mu avbe inọta na roro:
De emwi ne Jesu ka ru vbe ọ miẹn arhuaro nii? Te ọ ka kporhu ma rẹn ra, ra te ọ ka mu ẹre egbe rran?—Ya ghee Jọn 9:35-38.
De emwi ne u yayi wẹẹ, ẹre ọ si ẹre ne okpia nii na gha hoo nọ danmwehọ e Jesu?
Vbe Ima Miẹn Ruẹ Vbe Obọ E Jesu?
2. Adeghẹ ọmwa na rẹn wẹẹ, ma mwẹ ẹmwẹ irẹn vbe orhiọn, ẹ i mwẹ ọ ma hoo nọ danmwehọ ima.
Ya Egbe Taa E Jesu
3. Mu egbuẹ ye ihe ọmwa nii. Hia ne u muẹn roro, vbene emwi ye ọmwa nii hẹ.
Nọ egbuẹ wẹẹ: ‘Vbọ kpokpo ọmwa na vbe orhiọn? De emwi ne I yayi wẹẹ, ọ gha ru iyobọ nẹẹn, nọ gha vbe mu ẹre ekhọe?’ Ọna gha ru iyobọ nuẹn ya sẹtin ya obọ esi mu ọmwa nii, u ghi vbe sẹtin ya ekhọe hia ru iyobọ nẹẹn.
Adeghẹ ọmwa na gha gu ruẹ guan, u ghi rhie ehọ nẹẹn ta yi, ne u ya rhie ẹre ma wẹẹ, u hoẹmwẹ ọnrẹn. Adeghẹ ọ na tama ruẹ vbene irẹn ghee emwi hẹ, ra ọlọghọmwa ne irẹn la gberra, ghẹ ta ẹmwẹ ọvbehe gue ẹre.
4. Ya ọghọ vbe ute gu ẹre guan. U ghaa mwẹ ẹnina ọmwa, u na vbe gha hoo ne u gele ru iyobọ ne ọmwa, ọ gha rhiegbe ma vbe urhu ne u ya gu ẹre guan. Gha kọn ẹmwẹ ta, u ghi ya urhu ne khuẹrhẹ gu ẹre guan, u ghi vbe hia ne u gua gha mu ẹmwẹ ye owa.
5. Gha re ọmwa nọ ru iyobọ ne ọmwa. Gualọ ẹghẹ nọ khẹke ne u gha ya ru iyobọ ne ọmwa nii. Ẹse ne ima ru ne emwa sẹtin ya iran gha hoo ne iran danmwehọ ima.