Ta Ẹmwẹ Ne U Rẹnrẹn Wẹẹ Ọ Gha Yẹẹ Emwa

Emwi Ne Jesu Ru

E VIDIO: Jesu Kevbe Okhuo Nọ Do Sa Amẹ Vbe Uhae

1. Ghee VIDIO na, ra u ghi tie Jọn 4:​6-9. Iyeke ọni, u ghi mu avbe inọta na roro:

1. De emwi ne aro e Jesu dae vbe egbe okhuo nii, ọ ke suẹn gha gu ẹre guan?

2. Jesu tama rẹn wẹẹ: “Sa amẹ mẹ wọn.” Vbọzẹ ne ima gha na kha wẹẹ, odẹ ne Jesu ya suẹn gha gu ẹre guan wa deyọ?

Vbe Ima Miẹn Ruẹ Vbe Obọ E Jesu?

2. Adeghẹ ima na loo ẹmwẹ ne ima rẹnrẹn wẹẹ, ọ gha mu emwa ekhọe ya suẹn gha gu emwa guan, ẹ i mwẹ ne emwa ghẹ danmwehọ ima.

Ya Egbe Taa E Jesu

3. Mu egbe ne u ya fi ẹmwẹ ne u khian ta werriẹ. Ẹ i wa re ẹmwẹ ne u mu egbe ẹre rre ọkpa ẹre u khian ya mu ẹmwẹ so; mu egbe ne u ya fi ẹmwẹ ne u khian ta werriẹ deghẹ ọ na de vberriọ. Ya ẹmwẹ ne u rẹnrẹn wẹẹ, emwa ra gha mu roro vbe ẹdẹrriọ suẹn. Nọ egbuẹ wẹẹ:

1. ‘De iyẹn nọ wa khian vbe ẹdogbo nii nian?’

2. ‘De emwi ne emwa ne ima gba rre ẹdogbo ọkpa, ne ima gba winna, ra ne ima gba yo owebe wa mobọ guan kaẹn nian?’

4. Gi aro ruẹ gha sotọ. Nọ egbuẹ wẹẹ:

1. ‘De emwi ne ọmwa ne I khian kporhu ma wa ru vbe obọ nian? De emwi ne I yayi wẹẹ, ọ mu roro vbe ekhọe?’

2. ‘De vbene ukpọn ne ọmwa na yọ, vbene ugbaro ọre ye hẹ, ra vbene owa ẹre ye hẹ, khian ya ru iyobọ mẹ ya rẹn emwi nọ yayi ra ilele nọ lele?’

3. ‘Ẹghẹ na ẹre ọ khẹke ne I ya gu ọmwa na guan ra?’

5. Gha danmwehọ.

1. Ghẹ ta ẹmwẹ nọ bun gbe.

2. Rhie igiọdu ne ọmwa ne u gu guan nọ ya ta emwi nọ rre ọre ekhọe. U ghi nọ rẹn ọta deghẹ esa na gha rrọọ.