Inọta Ne Emwa Nọ

Deghẹ okpia vbe okhuo ne ẹi re ọdọ vbe amwẹ na gba vbiẹ owa ọkpa ne emwa ọvbehe i ye ne ẹdẹ gbe, vbene iran i na mwẹ emwi kpataki nọ ya iran ru vberriọ, ọ khẹke ne agbaziro ọghe ediọn ni buohiẹn guan ye ẹmwẹ vberriọ ra?

Ẹn, ọ khẹke ne agbaziro ọghe ediọn ni buohiẹn guan yọ deghẹ osẹe rrọọ nọ rhiẹre ma wẹẹ iran yin uyinmwẹ alamoghẹ ra iran ru emwi ọdọ vbe amwẹ.—1 Kọr 6:18.

Te ọ khẹke ne ẹbu ediọn mu ukpa mu uwerhẹn ghee ẹre ne iran mieke na rẹn deghẹ esa rrọọ ne ediọn eha ra agbaziro ọghe ediọn ni buohiẹn guan yọ ẹmwẹ vberriọ. Emwi eso nọ khẹke ne iran ka gualọ otọ re ọre wẹẹ: Iran ka si egbe obọ ra? Ediọn ka rhie adia ne iran vbe nọ dekaẹn ọkiẹkiẹ ne iran gbe ra? Vbọ ya iran vbiẹ owa ọkpa ne ẹdẹ gbe? Te iran eva ka mwamwaẹn yotọ ra? Iran gha te sẹtin vbiẹ ehe ughughan ra? Ọ mwẹ emwi nọ de rre vbe udemwurri nọ gele si ẹre ne iran eva ọkpa na gba vbiẹ owa ọkpa ra? (Asan 9:11) Vbe iran ya lovbiẹ hẹ? Ehe ughughan ẹre iran vbiẹre ra? Ọ sẹtin ye gha mwẹ emwi ọvbehe ne ediọn gha gualọ otọ re rhunmwuda odẹ ughughan ẹre emwi vbenian ya sunu.

Ẹbu ediọn gha ghi mu ukpa mu uwerhẹn ghee ẹre nẹ vbenian, iran ke sẹtin taa mu olọ yan rẹn deghẹ ediọn eha ra agbaziro ọghe ediọn ni buohiẹn ẹre ọ khian guan yaẹn nene ẹmwẹ.