Nèláá o ŋgo èn alo á ŋga so?

MBELEE BIBÈL

‘Olôlômè . . . ag kè li toh li biya bi miíh maɓá misè, to nyèmb è ŋgá kè ɓé pè li ɓè, to milèè to milôn to ndutu bi ŋgá kè ɓe pè li ɓè. milôm mi mam ma lôô.’​—Révélation 21:3, 4, Traduction du monde nouveau.

WOWOO ŊSÈŊ NÁŊ A ŊGA SOLÁ WA

Eɓôlô ŋtômbanè la yé ligoŋoo.​—Isaïe 65:21-23.

Eniŋ yé ŋgi la okon to esoghe to yá.​—Isaïe 25:8; 33:24.

Eniŋ misotá mi poko poko eloŋ la ŋmbiya woo la miwándá moo.​—Psaume 37:11, 29.

ƁÁÁ BI LÈ NÈ ƁA DUƁÈ KOO YÉ BIBÈL È ŊGA LAGAA ÉÉ?

Oo, ányuú puh èsè, njom eɓaa:

• Olôlômè a byèè ngap liyahè li likakanè jèè. Áté á Bibèl Yéhôva Lôô nyè ŋtámè nè á ŋgá nyáŋlè nè nyo á ‘Nguu mo misè’ átom nè, nguu yèè èh byè ɓé ŋlee. (Révélation 15:3) Á byèè ho ngap li yahè li likakanè jèè, jé li li nyèèɓèè li ŋkoŋ á si. Kaa Bibèl è ŋga lagaa, ‘jam li ŋgá ègè ɓé Olôlômè.’​—Matthieu 19:26.

• Olôlômè á byèè kôô li yahè li likakanè jèè. Ákaa ovega, ɓá ɓá wú, Yéhôva ag digɓan ɓo li sola á eniŋ.​—Job 14:14, 15.

  Lilôô ki naŋ, Bibèl èg etè nè Yésu moon Olôlômè á tálaá ɓákokon. Ányuú yéé? Ányuú nè a ŋgi sômôô náŋ. (Marc 1:40, 41) Kóó yèè li ôŋganè li ŋgoo ɓôt è ŋgi punan yèèyèè la nyi èsáŋè.​—Jean 14:9.

  La naŋ ho nè bi ŋga la liɓè li mbaki nè, Yéhôva la Yésu bi byèè kôô li ôŋganè li ɓèhè á li ɓè li misotá, nyúŋ alo á ŋgá kè li so!​—Psaume 72:12-14; 145:16; 2 Pierre 3:9.