Yéé è lèè Likan’yè l’Olôlômè?

MBELEE BIBÈL

‘Olôlômè á lèè á lôô ag kè li tèg li likanʼyè li ŋga kè ɓé li ɓèlá li lisuk.’​—Daniel 2:44, Traduction du monde nouveau.

‘Moon á páám á tjeɓèè ɓèhè; likanʼyè ki lig ɓè li kahè á étút yèè.’​—Isaïe 9:6, Bible de Darby.

WOWOO ŊSÈŊ NÁŊ A ŊGA SOLÁ WA

• Likanʼyè li tèè jé li ŋga sola wa ŋtômbanè.​—Isaïe 48:17, 18.

• Eniŋ mbôli yé è yahè la yé misotá á si pená nyi ya nyèk.​—Révélation 21:3, 4.

ƁÁÁ BI LÈ NÈ ƁA DUƁÈ KOO YÉ BIBÈL È ŊGA LAGAA ÉÉ?

Oo, ányuú puh èsè, njom eɓaa:

• Yésu á yeglèè ɓayege ɓèè li kánè nè Likanʼyè lʼOlôlômè li so; nsôm wèè ki á ɓoŋɓè á si. (Matthieu 6:9, 10) O etè nèláá jéŋ likánè li ŋga kè li kuh li mbelee.

  Etjeg Yésu á ɓèè vá á si, á jèhèè ɓá bi ɓèè nzal, o taláá ɓákokon, o ti sig pè ɓá bi wéé eniŋ! (Matthieu 15:29-38; Jean 11:38-44) Á etèl yèè yé nyo a ŋga kè li wèèla li Likanʼyè lʼOlôlômè, Yésu, la nyaa mɓèèŋ, á tjeglèè ɓèhè binyènyèè Likanʼyè li ŋga kè li solá li ɓa ɓoŋle ɓèè.​—Révélation 11:15.

• Eɓèlé nkoŋ á si èg yigyèè nè Likanʼyè lʼOlôlômè lig so puh etjeg. Yésu a lègléé nè yikaganè Likanʼyè lig solá ŋsaŋ vá á si, wélan, nzal, la ŋpôghanè á si big yalan.​—Matthieu 24:3, 7.

  Miŋ mam miɓé, big èn yaga mo nyi lèn. Bi lè ho nè ɓá ɓè mbaki nè puh etjeg Likanʼyè lʼOlôlômè lig manè nyiŋ nyaa ndutu.