Ɲininkaliw Jaabi

◼ An ka kan k’an janto an ka waajulikɛminɛnw na cogo di?

¹Hali ni weleweledala dɔ ye Bibulu kuma jiracogo ɲuman dɔ labɛn a kunkolo la, o bɛɛ n’a ta, a bɛ se ka kɛ kibaru duman weleweledala ye min ma labɛn a ka baarakɛminɛnw ta fan fɛ la la. Ni a sera da dɔ la, i b’a sɔrɔ sɛbɛn kura min ka kan ka jira, o t’a bolo. Sɔn-ni-sɔn gafeninw, gafenin wɛrɛw, ani sɛbɛndennin minnu bɛ a ka waajulikɛbɔrɛ kɔnɔ, olu ɲuguɲugulen don walima u farafaralen bɛ ka bɔ ɲɔgɔn na. A tɛ se fana ka sɛbɛnnikɛlan walima du-ni-du waajuli sɛbɛnfura ɲini k’a ye a ka bɔrɛ kɔnɔ, bawo a ma o kɔnɔna labɛn ka ɲɛ. A nafa ka bon kosɛbɛ i ka i janto koɲuman i ka baarakɛminɛnw na sanni i ka bɔ ka taa waajuli kɛ.

² Fɛn jumɛnw ka kan ka sɔrɔ waajulikɛbɔrɛ labɛnnen koɲuman kɔnɔ? Bibulu y’a fɔlɔ ye, bawo waajuli tɛ taa o kɔ. Du-ni-du waajuli sɛbɛnfura caman fana ka kan ka sɔrɔ a kɔnɔ. Sɛbɛn min ka kan ka jira kalo la, i k’a lajɛ fana ko o bɛ a kɔnɔ. Sɔn-ni-sɔn gafenin bɔlen kuraw, sɛbɛndenninw, ani gafeninw fana ka kan ka sɔrɔ a kɔnɔ. I ka Comment raisonner gafe fana ta. Ni An ka Masaya Cidenyabaara bɔko laban bɛ i kun, hakililaw ni kuma daminɛcogo nafama minnu b’a kɔnɔ, i bɛ se ka olu lajɛ sanni i ka taa da dɔ la. I bɛ waajuli kɛ yɔrɔ min na, ni a ka c’a la ko i bɛna mɔgɔw sɔrɔ yen minnu bɛ kan wɛrɛw fɔ, i ka Une bonne nouvelle pour toutes les nations gafenin bila i kun ani (S-43) sɛbɛnfura.

³ I bɛ baara kɛ ni minɛn o minɛn ye, i ka kan ka o kelen-kelen bɛɛ bila cogo ɲɛnabɔlen na i ka bɔrɛ kɔnɔ. A waajibiyalen tɛ bɔrɛ ka kɛ kura ye, nka, a ka kan ka kɛ fɛn jɛlen ye, min cogo ka ɲi. I ka waajulikɛbɔrɛ ye i ka kibaru duman weleweledali baarakɛminɛn dɔ de ye. I ka a to cogo ɲɛnabɔlen na.