A’ye Les Nouvelles du Royaume N° 35 jɛnsɛn fan bɛɛ la
1 Ɔkutɔburu ni Nowanburu bɛna kɛ waleba kɛ kalow ye an bolo. Ɔkutɔburukalo tile 11 fɔlɔw kɔnɔna na, an na La Tour de Garde ni Réveillez-vous! den kelen-kelen jira. O kɔ, k’a ta karidon ma, Ɔkutɔburukalo tile 12 nan na fo ka se karidon ma, Nowanburukalo tile 16 nan ma, an na an sen don Les Nouvelles du Royaume N° 35 tilatilali la, diɲɛ fan bɛɛ la. A na kɛ an bolo bonyaba ye ka cikan ɲɛnaman lase mɔgɔw ma u sigida la. O cikan ye nin ɲininkali jaabi de ye: “Mɔgɔw bɛɛ na ɲɔgɔn kanu don dɔ wa?” O gansili waati kɛrɛnkɛrɛnnen kɔnɔna na, an na Les Nouvelles du Royaume N° 35 tilatila, baarakɛ donw na. Dɔgɔkun labanw na, an na sɔn-ni-sɔn gafeninw kɔsana bɔlenw jira ka fara Les Nouvelles du Royaume kan.
2 Jɔn bɛ se k’a sen don a la? Maakɔrɔw de bɛna baara in nyɛmɔgɔya ta. Les Nouvelles du Royaume jɛnsɛnni ka di mɔgɔ minnu bɛɛ ye, olu bɛ se ka ye a la. Siga t’a la ko, weleweledala caman na u tɔgɔ sɛbɛn tutigɛbaga farankanw na, gansilikɛ kalo kelen wala a fila bɛɛ la. Weleweledala wɛrɛw, a ka di minnu ye ka dɔ fara u ka cidenyabaara waati kan, ka tɛmɛ kɔrɔlen kan, olu fana bɛ se ka don a la.
3 Yala kalanden dɔ b’aw bolo min bɛ ka taa ɲɛ Connaissance gafe kalan na ani min bɛna senkolaya sɔɔni ka foro baara daminɛ wa? A dɔ rɔ, a bɛ se ka kɛ weleweledala batisebali ye k’a sen don Les Nouvelles du Royaume gansili la. Sɛbɛnnin jirali bɛ kɛ ni kuma kuntigɛ cogo nɔgɔman ye. Misali la, dɔ bɛ se k’a fɔ: “Nin cikan in nafaba kosɔn, a bɛ ka jɛnsɛn diɲɛ fan bɛɛ la nin kalo la, kan 169 hakɛ la. Ne b’a fɛ i k’i tɔgɔla ta sɔrɔ.” Hali denmisɛnw bɛ se k’u jɔyɔrɔ fin nin sewa baara in na.
4 Gafe kalan nyɛminɛbagaw ka kan k’u ka kulu kɔnɔ mɔgɔw kelen-kelen bɛɛ dusu lamin walisa u k’u niyɔrɔ kɛ ka ɲɛ Les Nouvɛllɛs du Royaume N° 35 jɛnsɛnni na. A dɔ rɔ, weleweledala dɔw bɛ yen minnu bilala walekɛbaliya la, nka n’u ye dusu lamin bɛnnen sɔrɔ, u bɛ se ka kɛ walekɛbagaw ye ko kura. Sanni ka gansili waati se, maakɔrɔw ka kan ka taa bɔ u kelen-kelen bɛɛ ye, k’a lajɛ min bɛ se ka kɛ k’u dɛmɛ walisa u ni weleweledala ŋana dɔw ka bɔ ɲɔgɔn fɛ nin cidenyabaara ɲɛ in na.
5 An ka kan k’an lajɛ tuma jumɛn na, baara kɛko ɲuman kama? Nin baara bɛna a wajibiya seereya kulu ma, a ka mabɛn caman kɛ minnu bɛ bɛn bɛɛ ma, ani minnu taama ka di. A bɛ bɛn yɔrɔ min na, ɲɔgɔn-bɛnw na labɛn ntɛnɛn ka ta juma la ani dɔgɔkun laban na, ani wuladafɛlaw la. O waatiw ka kan ka bɛn weleweledalaw ni tutigɛbagaw ma, u ka to ka u seko damajira kɛ seereya tuma la. Izini baarakɛlaw ani kalandenw ni balima wɛrɛw ta fan fɛ, mabɛnw bɛ se ka kɛ walisa ka lajɛ kɛ n’u ye fana, wuladanin fɛ. Baara lakɔlɔsibaga ka kan ka waajuli kɛyɔrɔ caman labɛn, i n’a fɔ kinw ni sugu kɔnɔnaw. O bɛna a to, bɛɛ k’a seko kɛ nin baara in na. Ni weleweledalaw cayara kɛnɛ kelen kan, u ka hakili sɔrɔ walisa u kana dama tɛmɛ yɔrɔ kelen na.
6 Minnu-tɛ-sɔrɔ-so dun? An b’a fɛ k’an sara dukɔnɔmɔgɔw la, an se la, walisa k’a ɲɛfɔ u ye munna u ka kan ka Les Nouvelles du Royaume N° 35 kalan. Ni mɔgɔ tɛ so kɔnɔ an tɛmɛ tuma la, an bɛ so ladrɛsi ta, ka tila ka segin ka na don wɛrɛ ani waati wɛrɛ la. Ni dɔgɔkun laban gansili sera ani aw ye magan kɛ walisa ka sotigi ye, n’o ma nyɛ, aw bɛ se ka Les Nouvelles du Royaume den kelen bila a ka da la, tɛmɛbagaw t’a ye yɔrɔ min na. Kinw kɔnɔnaw la, a’ye kɛ kunkɛnɛw ye ka Les Nouvelles du Royaume jira mɔgɔ o mɔgɔ la min bɛ taama sira kɛrɛ la. Dugu kɔkan yɔrɔw ni yɔrɔ wɛrɛ la minnu tɛ se ka dafa gansili waati kɔnɔ, Les Nouvelles du Royaume bɛ se ka bila minnu-tɛ-sɔrɔ-so nyɛ, an tɛmɛ tuma fɔlɔ la.
7 Mun de ye an kuntilenna ye? Jɛkuluw ka kan k’u niyɔrɔ Les Nouvelles du Royaume tilatila u ka danyɔrɔw la gansili waati banni nyɛ, Nowanburukalo tile 16 nan na. N’aw ka danyɔrɔ ka bon, ani ni kelenna baara kanalen don, a dɔ rɔ, nafa bɛ sɔrɔ a la. O b’a to aw ka mɔgɔ caman lasɔrɔ, aw se la, ni kibaru duman ye. (Mat.10:11) Ka sɛbɛnfura dama dɔw minɛ i bolo la, ani ka Bibulu don i jufa la wala i ka bolola bɔrɛ kɔnɔ, lala o bɛ fisaya nisakɔsi tali ye. Mɔgɔ minnu bɛ mago jira kɛ, aw hakili ka to a la k’u bɛɛ tɔgɔ ta.
8 Aw labɛnnen bɛ walisa ka baara daminɛ wa? Jɛkuluw mago bɛna jɔ sɔn-ni-sɔn gafenin minnu na ka fara ɲininen kɔrɔw kan, maakɔrɔw ka kɔn k’u jateminɛ joona ani k’u ɲini. A ma se aw ka Les Nouvelles du Royaume ɲini, katuguni u bɛna ci jɛkulu kelen-kelen bɛɛ ma. Den 250 bɛna di tutigɛbaga kɛrɛnkɛrɛnnenw ni basigilenw ni farankanw kelen-kelen bɛɛ ma, u tilatilali kama; jɛkulu ka weleweledalaw bɛɛ kelen-kelen bɛna den 50 sɔrɔ. Baara caman bilalen b’an nyɛ. Yala a nege b’aw la k’aw sen don nin baara cɛɲumanba in na wa? Siga t’a la, o nege b’aw la. Cikan ɲɛnaman min bɛ sɔrɔ Les Nouvelles du Royaume N° 35 kɔnɔ, n’a bɛ tali kɛ Bibulu la, a’y’a to an k’o jɛnsɛn, an se la, diɲɛ yɔrɔ bɛɛ la.