Daba yɛlɛlen bɛ baara kama
1 Iko kibaru duman weleweledala timinandi dɔ, Pol tun kɔrɔtɔlen don ka forow ɲini, magoba tun bɛ yɔrɔ minnu na. O dɔ la kelen tun ye Efɛse dugu ye. A ye taanyɛba sɔrɔ waajuli la yen, fo a y’a sɛbɛn a Krecɛn ɲɔgɔnw ma ko: “Daba dɔ yɛlɛla ne ɲɛ ka baara caman kɛ.” (1 Kor. 16:9) Pol taara a fɛ ka baara kɛ o foro in na, ani ka Efesekaw caman dɛmɛ ka kɛ dannabagaw ye.—Kɛw.19:20, 26.
2 Bi bi in na, daba yɛlɛlen bɛ an ɲɛ baara kama. A ɲinilen bɛ an fɛ ka jɛkuluw dɛmɛ, minnu tɛ se k’u ka danyɔrɔw bɛɛ kɛ san o san. O la sa, an ka cɛsiriw na se ka mago wo datugu, mago min bɛ o foro dɔw la.—A sanga ni 2 Kor. 8:13-15 ye.
3 Magoba bɛ yɔrɔ min na, yali i bɛ se ka baara kɛ yen wa? Ka baara kɛ foro wɛrɛ la, yali i y’o jateminɛ delili kɔnɔ wa? I bɛ se ka dɛmɛ don jɛkulu dɔ la, i ka dugu yɛrɛ kɔnɔ. Walisa ka kafo lakɔlɔsibaga hakilinataw dɔn, munna i tɛna o kuma fɔ a ye? Walima a bɛ se ka kɛ k’i ka jɛkulu yɛrɛ danyɔrɔ kɔnɔ, tulogerenw walima kan yeleke kulu dɔ bɛ yen, mɔgɔ si tɛ se k’a mago don o minnu na. Walisa k’o mago wasa, i tɛ se k’u ka kan dege wa? A dɔ rɔ, kan wɛrɛ kulu walima jɛkulu dɔ bɛ yen, i kɛrɛ fɛ, o min bɛ ‘Suman Tigi deli ko a ka baarakɛla bila ka taa.’ (Mat. 9:37, 38) O la sa, i bɛ se ka dɛmɛ don wa?
4 San laban ninnu na, Krecɛnw denbayaw ba caman yɛlɛmana jamanaw la walisa ka niyɔrɔba sɔrɔ sumantigɛ baara la. Furuɲɔgɔn fila y’a fɔ ko: “An tun b’a fɛ ka baara kɛ Jehowa ye yɔrɔ min na an ka baara nafa tun na bonya kosɛbɛ.” N’o ŋaniya de b’i la, ani n’i y’a ye k’i bɛ se ka taa yɔrɔ wɛrɛ la, o jamana kɔnɔ, walima n’i y’i mankutu ka baara kɛ jamana wɛrɛ la, fɔlɔ ka kuma i ka fɛɛrɛ latigɛlenw ko la n’i ka jɛkulu maakɔrɔw ye.
5 N’i b’a fɛ ka Tɔn ka kunnafoniw sɔrɔ ka ɲɛsin yɔrɔ ma mago bɛ o minnu na, i sara i ka Jɛkulu ka Forobaara Kulu la ni bataki ye min b’i ka ŋaniya kɛrɛnkɛrɛnnen ɲɛfɔ. U bɛna kunnafoniw fara i ka bataki kan ani k’o ci Tɔn ma. A kɛra cogo o cogo, ni daba dɔ yɛlɛlen tora, an bɛɛ ka taa’ fɛ k’an magan Jehowa ka baara la—1 Kor. 15:58.