Aw k’a ɲini ka furuɲɔgɔn dannabaliw dɛmɛ
1 O ye nisɔndiyakoba de ye ni furuɲɔgɔnw jɛlen don bato lakika la. Nka, denbaya caman kɔnɔ, furuɲɔgɔn kelen dɔrɔn de sɔnna tiɲɛ sira la. An bɛ se ka furuɲɔgɔn dannabaliw dɛmɛ ani k’u dusu lamin u ka Jehowa bato n’an ye cogo jumɛn na?—1 Tim. 2:1-4.
2 Aw k’u hakilinata faamu: Tiɲɛ na, furuɲɔgɔn dannabali dɔw b’u kɔdon. Nka, tuma caman na, faamubaliyako don walima nmagotɛkola. Dɔ bɛ miiri ko nyinɛ kɛra a kɔ walima a bɛ keleya a furuɲɔgɔn ka mago kura sɔrɔlen na, alako ta fan fɛ. “Ne kelen so kɔnɔ, ne miiri la, u ye n’ bila”, furucɛ dɔ hakili jiginna o la. Dɔ wɛrɛ y’a fɔ: “Ne hakili la, a bɛ iko n’ muso ni n’ denw ye ne to yen.” Cɛ dɔw bɛ se ka miiri k’u ka denbaya tununnen don diinɛ dɔ la. (San 1990 Utikalo tile 15 nan Tour de Garde mafilɛ a ɲɛ 20 ka na 23 la.) O de la, n’a bɛ se ka kɛ, a ka fisa kosɛbɛ ka furucɛ sen don a muso ka sokɔnɔ Bibulu kalan na, kabini a daminɛ na.
3 Aw ka baara kɛ ɲɔgɔn fɛ: Seere furulenw fila ye baara kɛ ɲɔgɔn fɛ cogo nafama na, u kɛtɔ ka furuɲɔgɔnw dɛmɛ ka na tiɲɛ na. Ni balimamuso ye kalan dɔ sigi sen kan ni furumuso ye, balimakɛ bɛ taa bɔ furucɛ ye. Tuma caman na a sera ka kalan daminɛ ni furucɛ ye.
4 Aw ka teriya ni mɔgɔlandiya jira: Jɛkulu kɔnɔ denbayaw bɛ na ni dɛmɛ ye u kɛtɔ k’u mago don denbaya wɛrɛw la minnu jɛlen tɛ fɔlɔ bato lakika la. Teriya bɔnyeli dɔw bɛ se ka furuɲɔgɔn dannabali dɛmɛ k’a ye ko Jehowa Seerew ye Krecɛnw ye, mɔgɔlandiya bɛ minnu na, ani minnu bɛ hami mɔgɔ bɛɛ ka nɛɛma na.
5 Waati ni waati, maakɔrɔw bɛ se ka walew mafilɛ minnu kɛra kɔsa fɛ, walisa ka furuɲɔgɔn dannabaliw dɛmɛ, ani min bɛna se ka kɛ tun walisa u ka sɔn Jehowa la.—1 Piɛ. 3:1.