Ni kuma kunta cogo dɔ nɔ bɛ ye, a’ ye baara kɛ n’o ye

¹ An ka Masaya Cidenyabaara bɛ taa a fɛ ka kuma kunta cogo sugu caman di an ma walisa an ka baara kɛ n’u ye weleweledali senfɛ. O bɛ hakilina kuraw di an ma walisa ka Masaya ka cikan nege don mɔgɔw la. A dɔ rɔ, an b’an gɛlɛya kalo o kalo ka o kuma kunta cogow dɔ la kelen wala caman dege. Nka, a bɛ se ka kɛ weleweledala dɔw ɲɛ na ko hali u tɛ tila bɛrɛ-bɛrɛ kelen wala caman sifilɛli la ni dɔ wɛrɛw ma bɔ An ka Masaya Cidenyabaara kalanbolo kura kɔnɔ. Tiɲɛ don, bɛɛ tɛ se ka kuma kunta cogo kura dege k’a sɔrɔ a ma se fɔlɔ ta la.

² Fan wɛrɛ fɛ, tutigɛbaga waa yirika ani weleweledala wɛrɛw bɛ waati caman kɛ waajuli la. Ka fara o kan, jɛkulu caman bɛ u ka foro baara dɔgɔkun minnu na, u tɛ furancɛ jan don u ni ɲɔgɔn cɛ. O lahaalaya ɲɔgɔnnaw la, a ka di weleweledala dɔw ye ka kɛ ni kuma kunta cogo kuraw ye, ani hakilina kuraw ye walisa ka cikan kofɔ. O b’u dɛmɛ ka yɛlɛma don baara la, ɲɛli sira fɛ. O b’u ka cidenyabaara fana diya u bolo, ani o b’a to nɔ ka ye a la. O cogo la, u bɛ se ka gɛlɛya sɔrɔlenw kunnata.

³ A mana kɛ ɲɛ o ɲɛ ma, n’an ye kuma kunta cogo dɔ labɛn min bɛ mɔgɔw kun minɛ koɲuman, o tuma la, an ka baara kɛ n’o ye ka taa’ fɛ! Wajibi tɛ ka kuma kunta cogo dɔ bila n’a nɔ bɛ ye. An k’a ni kalo kɔnɔ sɛbɛn jirata bɛn ɲɔgɔn ma dɔrɔn. An kɛtɔ ka An ka Masaya Cidenyabaara kɔnɔ hakilinaw lajɛ, a ka di an ye ka yɔrɔ nafama minnu fara an ka kuma kunta cogo kan, an ka olu sugandi.

⁴ O la sa, an bɛ An ka Masaya Cidenyabaara sɔrɔ tuma min na, an k’an hakili to a la ko kuma kunta cogo minnu b’a kɔnɔ, u tɛ dɔ wɛrɛ ye hakilinaw kɔ. N’an bɛ se ka baara kɛ n’u ye, o ka ɲi kosɛbɛ. Nka, ni kuma kunta cogo b’an bolo ka kɔrɔ, kuma kunta cogo min nɔ bɛ ye an ka foro la, o tuma la, an ka baara kɛ n’o ye! Min bɛ jate, o ye k’an “ka cidenyabaara kɛ k’a dafa” cogo ɲuman na, an kɛtɔ ka mɔgɔw ɲini, mɔgɔ minnu ka kan n’a ye, ani an kɛtɔ k’u dɛmɛ ka kɛ kalandenw ye.—2 Tim. 4:5.