Jehowa Seerew: kibaru duman fɔbaga lakikaw
1 Yesu Krista ye kibaru duman fɔli kotigiya kalifa a ka kalandenw bɛɛ ma, a kɛtɔ k’u ci Masaya kibaru duman waajuli la, k’o pereperelatigɛ (Mat. 24:14; Kɛw. 10:42). O siratigɛ la, a ka kalandenw kɛra misali ɲuman ye u kɛtɔ ka kuma Masaya ko la ka taa’ fɛ. U tun b’o kɛ Alabatosow kɔnɔ ani mɔgɔw bɛ sɔrɔ yɔrɔ o yɔrɔ la, jama yɔrɔw la ani so ni so (Kɛw. 5:42; 20:20). Bi, an minnu ye Jehowa Seerew ye, an b’an yɛrɛw jira kibaru duman fɔbaga lakikaw ye Masaya ka cikan waajuli fɛ, jamana 232 kɔnɔ, ani batɛmuw hakɛ fɛ, batɛmu minnu cayara ni kalanden kuraw miliyɔn kelen ye, san saba dɔrɔn kɔnɔ! Munna an ka kibaru duman fɔli baara bɛ nin sanga ɲɔgɔnna sɔrɔ?
2 An nisɔndiyalen don kibaru duman fɛ: Kibaru duman fɔbagaw ye waajulikɛlaw ye, wala kibaru duman lasebagaw. O hukumu kɔnɔ, jɔyɔrɔ kiimɛbali b’an bolo min ye ka Jehowa ka Masaya kofɔ—ale min ye kibaru duman kelenpe lakika ye min bɛ se ka di hadamaden ɲɛninenw ma. An ɲagalilen don kosɛbɛ k’a dɔn kabini kelen ko sankolo kuraw bɛna marali kɛ ni tilennenya ye dugukolo kura kunna, n’o ye mɔgɔ kantigiw ye, Alijinɛ nata kɔnɔ (2 Pi. 3:13, 17). O jigiya in bɛ an kelen de bolo, wa a nege dunba de b’an na ka mɔgɔ wɛrɛw ladɔnniya a la.
3 Kanuya lakika bɛ an kɔnɔdon: Kibaru duman fɔli ye kisili baara ye (Rɔm. 1:16). O de kosɔn Masaya ka cikan jɛnsɛnni b’an fa nisɔndiyaba la. Komi an ye kibaru duman fɔbaga lakikaw ye, an b’an mɔgɔɲɔgɔnw kanu. O de b’an bila ka kibaru duman fɔ an somɔgɔw ye ka fara an sigiɲɔgɔnw kan, ani an dɔnbagaw ani mɔgɔ wɛrɛw ye, an se la. Ka baara in kɛ n’an ni bɛɛ ye, o ye kanuya lakika jira cogo ɲumanw bɛɛ la kelen ye ka ɲɛsin an mɔgɔɲɔgɔn ma.—1 Tes. 2:8.
4 Ala ka hakili senu b’an dɛmɛ: Ala ka Kuma b’i jɛya a la k’a fɔ an ye ko, tuma min na an bɛ Masaya si dan ani k’a sɔn Jehowa de “b’a labonya”. An ɲɛ bɛ o de la ka kɛ jɛkulu bɛɛ kɔnɔ bi bi in na (1 Kɔr. 3:5-7). Jehowa ka hakili de b’an ka kibaru duman fɔli baaraw kɔkɔrɔmadondo, wa ale de b’a to an ka sɔrɔ ɲuman-ɲumanw kɛ.—Joɛl 2:28, 29.
5 2 Timote 4:5 ka dusu lamin dilen kama, n’o ye ‘kibaru duman fɔbaga ka baara kɛli’ ye, ani an mɔgɔɲɔgɔnw kanuya kosɔn, an kɔnɔdonnen don ka Masaya kibaru duman kofɔ ni sewa ye tuma bɛɛ, wa an dalen b’a la ko Jehowa bɛ taa’ fɛ ka duba an ka baara ye!