Yali i bɛ baara kɛ ni kuntilenna ye wa?
1 Kuntilenna bɛ Jehowa bolo. (Esa. 55:10, 11) A ɲininen b’an fɛ an k’a ladege. (Efe. 5:1) O bɛ jira an ka cidenyabaara kɛcogo la. O de la, nin ɲininkali bɛnnen don, ko: “Yali i bɛ baara kɛ ni kuntilenna ye wa?”
2 Da ni da waajuli ni senfɛ seereya ni sɛbɛnw tila-tilali, nin bɛɛ ye cidenyabaara kuntilenna dɔw ye. Nka, an k’an hakili jigin a la k’an ka ci tɛ waajuli dama ye, nka an ka kan ka mɔgɔw kɛ kalandenw fana ye. (Mat. 28:19, 20) N’an ye Masaya ka tiɲɛ kuma si dan, an ka kan ka segin k’a sɔn, k’an mago don a la, ani k’an jigi da Jehowa kan walasa a k’a bonya. (1 Kɔr. 3:6) An ka kan ka segin-ka-bɔnyew kɛ ni sɛbɛ ye, ani ka Bibulu kalanw daminɛ.
3 I ka cidenyabaara bonya: An mana se k’an kɔfilɛ tuma o tuma an ka baara la, ani k’a fɔ an yɛrɛw ye, ko: “An ye min dabɔ, an y’o dafa”, an bɛ diya sɔrɔ o la. Iko a sɛbɛnnen bɛ 2 Timote 4:5 kɔnɔna na cogo min na, Pol ye nin fɔ, ko: “I ka baara kɛ k’a dafa.” O kɔrɔ ye ka dɔ fara i ka cɛsiriw kan walasa ka tugu magojirabaga sɔrɔlenw bɛɛ la. I ka dɔgɔkun kɔnɔ cidenyabaara bolodalen na, i ka waati latigɛlen dɔ bila walasa ka segin-ka-bɔnyew kɛ. I ka baara la, i k’i kuntilenna kɛ Bibulu kalanw daminɛ ye ni mɔgɔw ye minnu dusukun ɲɛsinnen don tilennenya ma. O ka kɛ i ka cidenyabaara kuntilenna ye.
4 I ka weleweledalaw ɲininka u dusukunnataw la tuma min na u ɲɛ tun bɛ u ka Bibulu kalandenw na ka batɛmu ta jamalajɛw senfɛ. Siga t’a la, u ka nisɔndiya tun ka kan ni batɛmu tabagaw ta ye. O ye kuntilenna belebele dafalen ye u fɛ! Kalanden kɛbaga dɔ kumana tan, ko: “Ka mɔgɔw kɛ kalandenw ye, o kɔrɔ ye ka caman fara Jehowa tanubagaw kan. Minnu bɛ sɔn tiɲɛ na, olu bolo, o kɔrɔ ye ɲɛnamaya ye. A ka di n ye ka tɔw kalan tiɲɛ kow la—o cɛ ka ɲi sa! . . . Minnu nana Jehowa kanu, olu la mɔgɔ caman kɛra ne teri sɛbɛw ye.”
5 I miiri k’i sera ka mɔgɔ dɔ dɛmɛ k’a yɛrɛ latɛmɛ Jehowa ma ani ka kɛ a ka baarakɛla dɔ ye! O ye nisɔndiya sababu ye dɛ! O baraji ɲɔgɔnna bɛ sɔrɔ kuntilenna sigili fɛ cidenyabaaara la.—Kol. 4:17.