Ɔkutɔburukalo Baara Ka Lajɛw

HAKILIJIGINNAN: Kafoba ka jamalajɛ kalo kɔnɔna na, dɔgɔkun o dɔgɔkun ka baara ka lajɛ baarabolodalenw bɛna sɔrɔ An ka Masaya Cidenyabaara sɛbɛn kɔnɔ. Jɛkulu bɛna yɛlɛmali bɛnnenw don o la u kɛtɔ k’u hakili to a la k’u bɛna kɛ “Ala ka kiraya kuma” jamalajɛ la, ani k’o baara ka lajɛ min bɛna kɛ o dɔgɔkun nata la, u bɛna sanga 30 kɛ ka segin kalan yɔrɔ kolomaw kan. Seginnkanni in min bɛna kɛ o don kelen-kelen bɛɛ kan, o bɛna kɔn ka di balimakɛ fila walima saba ma minnu bɛ se kosɛbɛ. Seginnkanni in kɔnɔna na, u bɛna miiiriyabaw labɔ. N’o baara labɛnna ka ɲɛ, a bɛna jɛkulu kɔnɔmɔgɔw dɛmɛ u k’u hakili jigin miiriya nafamaw na walasa u k’u sirataama u yɛrɛ ye ani ka baara kɛ n’u ye wajuli la. Jama ka kuma fɔtaw ani a ko lakalitaw bɛna surunya ka kɛ fɛn pereperelatigɛlen ye.

Ɔkutɔburukalo tile 4nan dɔgɔkun

Dɔnkili 147

Sanga 10: Ladɔnniyaliw ka ɲɛsin sigida ma. Ladɔnniyali latɔmɔlenw ka bɔ An ka Masaya Cidenyabaara kɔnɔ.

Sanga 17: “‘Ala ka kiraya kuma’​—⁠ San 1999 kafoba ka jamalajɛ.” (D. 1-14) Ɲininkaliw ni jaabiw. Dakun 8nan ni 14nan kalan. Kun minnu na an ka kan ka kɛ jamalajɛ kalan mumɛ bɛɛ la, ka fara Jumadon ta kan, i sinsin olu kan. An ka kan ka na ni dumuni min fana ye jamalajɛ la don o don, nafa min b’a la ka Tɔn ka laadilikanw sirataama o ko la, o jira.

Sanga 18: I k’i mago don sɔn-ni-sɔn gafeninw na! Jɛkulu ye sɔn-ni-sɔn gafenin hakɛ min bila kalo tɛmɛnen na, o fɔ. O ni hakɛ min sɔrɔla ka bɔ Tɔn yɔrɔ, u bɛ se ka suma ɲɔgɔn ma cogo di? N’a y’a sɔrɔ danfaraba de bɛ u ni ɲɔgɔn cɛ, mun de ka kan ka kɛ? Lamɛnbagaw wele u ka kuma nin fɛnw kan: (1) Weleweledala kelen-kelen bɛɛ ka kan ka hakɛ dɔ ta min bɛ labɔli kɛ nka, n’a hakɛ bɛnnen don. (2) Ka sibiri kelen-kelen bɛɛ mafilɛ sɔn-ni-sɔn gafenin don ye. (3) K’i yɛrɛ ka baara waatibolodacogo kɛ walasa ka sɔn-ni-sɔn gafenin baara don o la kalo o kalo. (4) K’a boloda ka senfɛ seereya caman kɛ ni sɔn-ni-sɔn gafeninw ye walasa ka barow daminɛ. (5) Barokun kɛrɛnkɛrɛnnenw sugandi minnu ka teli ka diya jagokɛlaw ni baarakɛlaw ye walasa ka jira u la. (6) I ye sɛbɛn minnu bila, i k’olu hakɛ jɔnjɔn sɛbɛn tuma bɛɛ, ka sɔn-ni-sɔn gafeninw tila-tilali siraw kɛ, wa ka segin ka na tuma bɛɛ ni bɔko labanw ye. (7) Sɔn-ni-sɔn gafenin bɔko kɔrɔman fɛn o fɛn bɛ yen, baara ɲuman kɛ n’olu ye walasa u kana ton ɲɔgɔn kan. Bɔko kuraw jira. Barokun minnu ka teli ka diya mɔgɔw ye, i sinsin olu kan. Baliku kelen ani denmisɛn dɔ ta walasa u kelen-kelen ka sɔn-ni-sɔn gafenin ɲɛjirali surun kɛ.​—⁠San 1995 Sɛtanburukalo Ministère du Royaume ka farankan lajɛ.

Dɔnkili 105 ani kuncɛli delili.

Ɔkutɔburukalo tile 11nan dɔgɔkun

Dɔnkili 194

Sanga 10: Ladɔnniyaliw ka ɲɛsin sigida ma. Jatew dantigɛli.

Sanga 15: “‘Ala ka kiraya kuma’—San 1999 kafoba ka jamalajɛ.” (D. 15-22.) Ɲininkaliw ni jaabiw. Dakun 16-18nan kalan. I sinsin Bibulu tɛmɛsira kofɔlenw kan walasa ka jira kun min na an ka fini donta, an kun dilancogo, an’an taamacogo ye fɛnw ye an ka kan ka minnu jateminɛ.

Sanga 20: “Nisɔndiyaba min bɛ sɔrɔ lajɛw la, dɔ bɛ fara o kan cogo min na.” Ɲininkaliw ni jaabiw. An bɛ se ka ɲɔgɔn bonya, ka ɲɔgɔn dusu lamin cogo minnu na lajɛw la, misali kɛrɛnkɛrɛnnenw di olu kan. Lamɛnbagaw wele u k’u yɛrɛw ka misaliw fɔ.

Dɔnkili 152 ani kuncɛli delili.

Ɔkutɔburukalo tile 18nan dɔgɔkun

Dɔnkili 196

Sanga 10: Ladɔnniyaliw ka ɲɛsin sigida ma, ani ko minnu kɛra foro baara la.

Sanga 13: “Yali i bɛ taa sigi yɔrɔ wɛrɛ la wa?” Dusulamin jɛmu don min bɛna kɛ sɛbɛnnikɛla fɛ. Ni weleweledalaw b’a dɔn k’u ka kan ka yɛlɛma jɛkulu wɛrɛ la, nafa b’a la u ka basigi u ka sigiyɔrɔ kuru la walasa u ka hakili ta fan fɛ ɲɛtaa kana sumaya cogo si la. Nafa min b’a la ka maakɔrɔw ladɔnniya u ŋaniya la, ani k’u ka dɛmɛ ɲini jɛkulu kura lasɔrɔko la, i k’i sinsin o kan.

Sanga 22: “I bɛna mun fɔ Yahutu ye?” Ɲininkaliw ni jaabiw i kɛtɔ k’i sinsin jɛkulu danyɔrɔ mago kɛrɛnkɛrɛnnen kan. Danfara minnu bɛ Yahutudiinɛ ɔrtodɔkise ni Yahutudiinɛ rɛfɔrmɛ, ni Yahutudiinɛ cɔnsɛrvatɛre cɛ, olu ɲɛfɔ. (L’humanité à la recherche de Dieu ɲɛ 226-7.) An ni Yahutu ka teli ka bɛn kuma na yɔrɔ minnu na, olu jira. Ɲɛjirali kɛ kumajiracogo kan min labɛnna koɲuman. Walasa ka kunnafoni wɛrɛw sɔrɔ Yahutu diinɛ kan, san 1998 Feburuyekalo An ka Masaya Cidenyabaara ka farankan lajɛ, ani Comment raisonner gafe ɲɛ 22-3, ani L’humanité à la recherche de Dieu masalakun 9 fana.

Dɔnkili 142, ani kuncɛli delili.

Ɔkutɔburukalo tile 25nan dɔgɔkun

Dɔnkili 179

Sanga 15: Ladɔnniyaliw ka ɲɛsin sigida ma. Bɛɛ dɛmɛ u k’u labɛn ka Wajibiya gafenin, walima Dɔnniya gafe jira Nowanburukalo kɔnɔna na. Dantigɛli kuma min bɛ sinsin ɲininkali kan, n’o ye ko “Yali Ala bɛ deliliw jaabi wa?”, o bɛ labɛn cogo min na, o ɲɛfɔ. Baara kɛ ni gafenin kalansen 7nan ye, ani gafe Masalakun 16 dakun 12-14nan yɔrɔw fana ye. Bibulu tɛmɛsira kelen bɛ kumajiracogo min kɔnɔ, ɲɛjirali nɔgɔn kɛ o kan.

Sanga 15: Jaabiw sɔrɔ Bibulu ɲininkaliw la. Weleweledala b’i gɛrɛ cidenyabaara maganna na ni Bibulu ɲininkali dɔ ye. A ni mɔgɔ dɔ bɛnna min y’a mago don o ɲininkali la. Sanni a ka jaabi di, o jaabi bɛ sɔrɔ cogo min na, cidenyabaara maganna b’o ɲɛfɔ a ye. A bɛ kɔn ka hakilinataw lajɛ minnu bɛ sɔrɔ École du ministère théocratique gafe kɔnɔ, kalan 7nan na, dakun 8-9 yɔrɔ la. O kɔfɛ, ɲininkali min bɛ lawuli tuma caman na u ka danyɔrɔ la, u b’o ɲini ɲɔgɔn fɛ. U bɛ yɔrɔ kɛrɛnkɛrɛnnenw ɲini minnu bɛ kunnafoni di o barokun kan, ka daliluw sɔrɔ minnu bɛ mɔgɔ kun minɛ, dalilu minnu jɛyalen don Bibulu jaabi kɔnɔ. Dusu don lamɛnbagaw kɔnɔ walasa u k’o ɲinini sugu nafama kɛ Bibulu ɲininkaliw ko kan.

Sanga 15: An bɛ se ka kuntilenna minnu sigi. Jɛmu ani baro kɛ ni lamɛnbagaw ye. Kuntilenna nafama minnu jiralen bɛ san 1997 Marisikalo tile 15 La Tour de Garde kɔnɔ a ɲɛ 11nan na, olu mafilɛ. Mɔgɔw dusu lamin fana u ka tutigɛbaga basigilen, walima tutigɛbaga farankan baara kɛ. K’o kuntilennaw sɔrɔ, o bɛ se k’an yɛrɛw nafa cogo min na, o ɲɛfɔ. Lamɛnbagaw ye nisɔndiya minnu sɔrɔ tuma min na u sera ka ala-ka-marako kuntilenna dɔw sɔrɔ, a ɲini u fɛ, u k’olu fɔ.

Dɔnkili 151 ani kuncɛli delili.