Le secret du bonheur familial tila ni tɔw ye
1 Hadamadenya jujɔ de ye denbaya ye. Denbaya caman faralenw ɲɔgɔn kan, bɛ dugu misɛnw, dugubaw, nburuw, ani jamanaw kuuru bɛɛ sigi. Bi bi in na gɛrɛntɛw bɛ denbayaw kan min ɲɔgɔn ma deli k’u sɔrɔ. Fanga barikamaw bɛ denbaya ka ɲɛnamaya bila kojugu la. Ikomi waleɲumandɔn b’an na ka ɲɛsin Jehowa ma, ale min ye denbaya labɛnbaga an’a sigibaga ye, a ka kalansiraw di an ma, walisa an ka se ka denbaya hɛrɛlen sɔrɔ! Minnu bɛ tugu a ka laadilikanw kɔ, u b’a ye ko jɔn kɛra u ka kunkow ma, ani k’u ye denbaya tanyɛ sɔrɔ. Setanburukalo kɔnɔ, bonya b’an bolo ka “Le secret du bonheur familial” gafe tila ni tɔw ye. A bɔ i yɛrɛ la ka kuma mɔgɔw fɛ denbaya ka ɲɛnamaya ko kan. Kɛ u teri ye, d’a la k’a bɛ nyɛ, ani ko faranfasiyali hakili sɔrɔ. I bɛna se ka mun fɔ ?
2 I tun na se ka daminɛ i kɛtɔ ka ɲininkali dɔ lawuli, i n’a fɔ nin:
◼ “ Yali i y’a kɔlɔsi ko denbaya caman b’a ye k’a ka gɛlɛn ka ɲɛnamaya gɛrɛntɛw kun wa ? [Jaabi makɔnɔ.] Jateminɛw y’a jira ko mɔgɔ caman bɛ gɛlɛyaw dɔn u ka duw kɔnɔ. I ka miiri la mun de bɛna se ka denbayaw dɛmɛ u k’u basigi kosɛbɛ ani k’u dɛmɛ u ka hɛrɛba sɔrɔ? [Jaabi makɔnɔ.] Ikomi Ala de ye furu mabɛn sigi, yali a tɛna kɛ ko bɛnnen ye k’a ka laadilikan dilenw sɛgɛsɛgɛ wa? [2 Timote 3:16-17 kalan.] O kalan nafama sugu nyɛfɔlen bɛ nin gafe kɔnɔ, Le secret du bonheur familial. ” O kɔ, a ɲininka ale miiri la mun de ye denbaya ka foroba kunko dɔ ye, ani masalakun jira min b’o ɲɛfɔ. A jira k’a bɛ se k’a sɔrɔ.
3 Segin-ka-bɔnye la, i bɛ se k’i ka kuntilenna sɔrɔ, n’o ye ka Bibulu kalan daminɛ, i kɛtɔ ka fɔ :
◼ “ I ye min fɔ denbaya ka ɲɛnamaya ko la, n’ ye n’ miiri o la, ani n’ nana ni fɛn dɔ ye min bɛna i nisɔndiya ne nyɛna. [Wajibiya gafenin jira. Taa a ɲɛ 16nan na, ani ɲininkali wɔɔrɔ ninnu kalan a sanfɛla la.] A jɛlen don ko denbaya kɔnɔmɔgɔw kelen-kelen bɛɛ ka kan k’u ka kɛta kɛ walisa ka denbaya ka hɛrɛ sabati. Ni sanga damadɔw dɔrɔn b’i bolo, n’ bɛna jira i la cogo min na, i bɛ se ka nafa bɛɛ la fisama sɔrɔ ka bɔ o kunnafoni in na. ” O kɔ, kalansen 8nan kalan daminɛ.
4 Baro daminɛ cogo dɔ wɛrɛ ye ka kunko dɔ kofɔ i kɛtɔ ka fɔ :
◼ “ K’a sɔrɔ mɔgɔ kelen-kelen bɛɛ b’a fɛ ka nisɔndiya ni wasa sɔrɔ, a bɛ iko denbaya caman tɛ tanyɛ sɛbɛ sɔrɔ o siratigɛ la. I ka miiri la mun bɛna se k’u dɛmɛ ka hɛrɛ lakika sɔrɔ? [Jaabi makɔnɔ.] Kabini tuma jan, Bibulu tun y’a jira kunko sugu minnu tun bɛna ye denbayaw kɔnɔ bi. [2 Timote 3:1-3 kalan.] O bɛɛ n’a ta, Bibulu b’a fɔ fana denbayaw ye, min ka kan ka kɛ walisa k’o kunkow nyɛnabɔ ani ka hɛrɛ mɛnta sɔrɔ. A ka sariyakolo jiralenw bɛ nin gafe in kɔnɔ, Le secret du bonheur familial. ” O kɔ, masalakun min b’o baro bɔ, o seginkanni katimu min b’a laban na, o kalan. A jira k’a bɛ se ka gafe in sɔrɔ.
5 N’i seginna ka na, “Wajibiya” gafenin ta ka kalan dɔ daminɛ. I bɛ se ka fɔ ko :
◼ “ A diyara ne ye, i ka sɔn ka Bibulu ka sariyakolow sɛgɛsɛgɛ minnu bɛ sirataama denbaya ka ɲɛnamaya la. Dɔnko y’a jira ko nafa bɛɛ la fisama bɛ sɔrɔ mɔgɔ fɛ minnu bɛ taama Bibulu ka laadilikan waleyata kɔnɔ. Munna a bɛ ten, o nyɛfɔli nɔgɔman bɛ sɔrɔ yan.” Kalansen dakun fɔlɔ kalan “Wajibiya” gafenin kɔnɔ. Zaburu 1:1-3nan na, walima Esayi 48:17, 18, olu fila dɔ la kelen ka ye o la. N’i y’a ɲɛ sɔrɔ kalansen tɔ lajɛ. A ɲini a fɛ ka segin ka na kalansen nata kalan n’a ye.
6 An ka cɛsiriw bɛɛ kɛ walisa gundo min bɛ na ni denbaya ka hɛrɛ ye, an k’o tila ni tɔw ye—an kɛtɔ ka tugu kalansiraw kɔ minnu bɛ Ala ka kuma kɔnɔ—Zab. 19:8-12.