Nin sɛbɛn mara

Sɛbɛn-jiracogo minnu dira forobaara kama

Hakilila minnu dilen bɛ yan, olu ta k’i yɛrɛ dɛmɛ ka kalo sɛbɛnw-jiracogo labɛn.

Approchez-vous de Jéhovah gafe

“Mɔgɔ minnu dalen bɛ Ala la, olu caman b’a fɛ ka gɛrɛ kosɛbɛ a la. Yali i tun b’a dɔn ko Ala b’a ɲini an fɛ an ka gɛrɛ ale la wa? [Yakuba 4:8 kalan.] Nin sɛbɛn kɛkun ye ka mɔgɔw dɛmɛ u ka baara kɛ ni u yɛrɛw ka Bibulu ye walisa u ka se ka gɛrɛ Ala la.” Dakun fɔlɔ kalan, ɲɛ 16 nan na.

“Tilenbaliya barika ka bon kosɛbɛ bi. A bɛ iko a fɔlen bɛ yan cogo min na. [(Eklesiaste) Waajulikɛla 8:9b kalan.] Mɔgɔ caman b’u yɛrɛ ɲininka, ni Ala bɛ a mago don o ko la. [Gafe ɲɛ 119 nan, dakun 4 nan kuma fɔlɔ ni filanan kalan.] Nin tila b’a ɲɛfɔ, mun na Ala y’a to tilenbaliya ka kɛ, waati dɔ kɔnɔ.”

Y-a-t-il un Créateur qui se soucie de nous?

“Gɛlɛya minnu bɛ an kɔnɔnafili kosɛbɛ, an bɛ se ka laadilikan ɲumanw sɔrɔ olu ɲɛnabɔli kan minni? [Jaabi makɔnɔ. O kɔ, Matiyu 7:​28, 29 kalan.] Nin yɔrɔ bɛ a jira Yesu lamɛnbagaw ye min kɛ, u kɛlen kɔ ka Yesu ka kuluninkan-waajuli lamɛn. A filɛ mɔgɔ wɛrɛw ye min fɔ a ko la. [Ɲɛfɔliw minnu bɛ sɔrɔ ɲɛ 152 nan na, baara kɛ ni olu ye.] Nin tila bɛ kuma Yesu ka ɲɛnamaya ni a ka kalansiraw kan.”

“E delila ka nin ɲininkali kɛ i yɛrɛ la wa: ‘Ni a sɔrɔla ko Ala bɛ yen, yali a bɛ na tɔɔrɔ ani tilenbaliya ban don dɔ la wa?’ [Jaabi makɔnɔ. O kɔ i ka Jirali 21:​3, 4 kalan.] Nin gafe bɛ a ɲɛfɔ Ala bɛna min kɛ walisa ka tɔɔrɔ ni tɔɔrɔ kunw ban pewu.” Kalansen 10 nan jira a tigi la.

Veillez !

“Gɛlɛyabaw bɛ mɔgɔ caman kan bi ani mɔgɔ dusutiɲɛkow de bɛ ye ka caya. [Misali dɔ ta min dɔnnen bɛ i ka sigida la.] Yali e tun bɛ a kala ma ko nin ko suguw ye taamasiyɛn fan dɔ ye, min bɛ a jira ko Ala ka masaya bɛna dugukolokan kow bɛɛ ɲɛminɛ wa? [Jaabi makɔnɔ. O kɔ Bibulu tɛmɛsira dɔ kalan min bɛnnen bɛ, i n’a fɔ Matiyu 24:​3, 7, 8; Luka 21:​7, 10, 11; wala 2 Timote 3:​1-5.] Nin gafenin bɛ a ɲɛfɔ mun na mɔgɔ ka kan k’i jan to kɛrɛnkɛrɛnnenya la nin taamasiyɛnw la bi.”

“Mɔgɔw bɛ bɔnɛ minnu sɔrɔ ani dusutiɲɛkow minnu bɛ kɛ bi, o bɛ ka mɔgɔ caman dusukasi. Mɔgɔ dɔw bɛ u yɛrɛ ɲininka mun na Ala tɛ o ɲɔgɔnna kow bali ka kɛ. Bibulu bɛ an hakili sigi ko sɔɔni Ala bɛna ko kɛ walisa ka hadamadenw ka tɔɔrɔ kow bɔ yen pewu. [Jirali 14:​6, 7 kalan.] A filɛ Ala ka o kiritigɛ bɛna min lase diɲɛ ma. [2 Piɛrɛ 3:​10, 13 kalan.] Nin gafenin bɛ kunnafoni caman di a koba in kan.”

Dɔnniya min bɛ na ni ɲɛnamaya banbali ye

“Ni a ɲinina i fɛ i k’i ka ɲɛnamaya kɛ nin yɔrɔ cɛɲi ɲɔgɔn kɔnɔ, i bɛ sɔn wa? [Ja min bɛ sɛbɛnfura ɲɛ 4-5 nan la olu jira, o kɔ i ka jaabi makɔnɔ.] A kɔlɔsi ko, ka ɲɛnamaya kɛ nin yɔrɔ cɛɲi ɲɔgɔn kɔnɔ kudayi, Ala ka kuma bɛ o konnɛgɛ jira. [Yuhana 17:3 kalan.] Nin gafe bɛna i dɛmɛ ka dɔnniya sɔrɔ min bɛ ɲɛnamaya banbali lase i ma.” Fɛɛrɛ sigi sen kan walisa i ka se ka kalan kɛ ni a tigi ye dakun duuru kan minnu bɛ kalansen fɔlɔ daminɛ, ni i seginna ka na.

Gafe dayɛlɛ jaw kan ɲɛ 188-9 nan na i ka o yɔrɔ sanfɛ sɛbɛnniw ta ka ɲininkali kɛ ko: “Ni Ala dɔnniya ye dugukolo fa tuma min na, yali a bɛna diya i ye ka sigi Alijinɛ kɔnɔ o tuma na wa? [Jaabi makɔnɔ. O kɔ i ka Esayi 11:9 kalan.] Nin gafe bɛna i dɛmɛ k’a dɔn Bibulu bɛ min fɔ Alijinɛ kan ani cogo min na i bɛ se ka kɛ alijinɛ-kɔnɔ-mɔgɔ dɔ ye.” Fɛɛrɛ sigi sen kan walisa i ka se ka kalan kɛ ni a tigi ye dakun 11-​16 kan kalansen fɔlɔ la, ni i seginna ka na bɔ a ye.

Ecoutons le grand Enseignant

“Yala e miiri la ko diɲɛ cogoya bɛna ɲɛ ni mɔgɔw tugura nin kumakan kɔ wa? [Mat. 7:​12a kalan i ka jaabi makɔnɔ.] Karamɔgɔ min ɲɔgɔn ma da, o ka kalansira caman bɛ nin gafe in kɔnɔ.” Jaw minnu bɛ a kɔnɔ olu kofɔ ani ɲɛfɔli minnu sɛbɛnnen bɛ jaw kɛrɛfɛ tila 17 nan kɔnɔ.

“Bangebagaw fanba b’a ɲini bi ka jogo ɲuman don u denw na dɔɔnin dɔɔnin. E miiri la ko nafa bɛ o la wa? [Jaabi makɔnɔ. O kɔ Ntalenw 22:6 kalan.] A kɔlɔsi ko a ɲininen bɛ bangebagaw fɛ u ka denlamɔ daminɛ kabini denw fitinin. Nin kitabu in dabɔra walisa ka u dɛmɛ o de kɛli la.” Jaw minnu bɛ a kɔnɔ olu kofɔ ani ɲɛfɔli kɛ, minnu sɛbɛnnen bɛ jaw kɛrɛfɛ tilaw 15, 18 nan kɔnɔ.

“Tuma caman bangebagaw bɛ kabakoya u denw ka ɲininkali dɔw la. U ka ɲininkali dɔw jaabi man nɔgɔn, tiɲɛ tɛ o ye wa? [Jaabi makɔnɔ. O kɔ Efesekaw 6:4 kalan.] Nin kitabu bɛ se ka bangebagaw dɛmɛ ka u denw ka ɲininkaliw jaabi bi.” Ja damadɔw kofɔ ani ɲɛfɔli kɛ, minnu sɛbɛnnen bɛ jaw kɛrɛfɛ tila 11 nan ani 12 nan kɔnɔ walima tila 34 nan ka na a bila tila 36 nan kɔnɔ.

La vie : comment est-⁠elle apparue ? Évolution ou création ?

“Kojugu ni nigɛlɛya minnu bɛ kɛ an ka sigida la, olu bɛ an bɛɛ ɲɛ sira la. E fɛ, yali o kow ɲɛnabɔ cogo bɛ mɔgɔ bolo wa? [Jaabi makɔnɔ.] A ɲɛnabɔ cogo bɛ Ala bolo.” Sɛbɛnfura dayɛlɛ a ɲɛ 96 nan na; dakun 19 nan kɔnɔ i bɛ Ntalenw 2:​21, 22 kalan, ka ɲɛfɔli kɛ o kan. Gafe tila 16 nan tɔgɔ jira i ka gafe di i barokɛɲɔgɔn ma.

Gafe dayɛlɛ a ɲɛ 6 nan na i k’a fɔ: “Mɔgɔ caman hakili la ko an ka nin dugukolo cɛɲumanba ni ɲɛnamaya min bɛ a kan, ko olu nana u yɛrɛ ma ten. E fɛ, mɔgɔ hakilitigi bɛ ɲɛfɔli jumɛn de sɔrɔ a ko la? [Jaabi makɔnɔ.] Kow bɛ kɛnɛ kan, dan tɛ u hakɛ la minnu bɛ jo di Bibulu ka kuma ma, o min y’a fɔ ko Dabaga de bɛ yen, barikaba tigi, min bɛ an kanu kosɛbɛ. Ale de ye Ala sɛbɛ ye, ani a tɔgɔ ye ko Jehowa.” Zaburu 83: 19, kalan i ka tila ka ɲɛfɔli surun kɛ ko Ala ka kuntilenna ye ka dugukolo mumɛ bɛɛ yɛlɛma ka kɛ alijinɛ ye.

L’humanité à la recherche de Dieu

“Ikomi diinɛ camanba bɛ yen bi minnu tɛ kelen ye, yali i ma deli k’i yɛrɛ ɲininka ko: Ala sɔnnen bɛ diinɛ kelen min na o bɛ se ka dɔn cogo min na wa?” A tigi ka jaabi kɔfɛ, gafe dayɛlɛ a ɲɛ 377 nan na. Miiriya min bɛ yɔrɔ 7 nan kɔnɔ, i sinsin o kan, i ka dukɔnɔmɔgɔ ɲininka n’a bɛ sɔn a ma ko diinɛ lakika ka kan ka kelenya de don siyaw bɛɛ ni ɲɔgɔn cɛ diɲɛ kɔnɔ. Bibulu tɛmɛsira minnu kɔfɔlen bɛ, olu dɔ la kelen ta, i ka baro kɛ yɔrɔ wɛrɛw kan o barokun kɔnɔ ni o waati b’aw bolo. Ni a tigi y’a jira ko kibaru duman ka di a ye sɛbɛ-sɛbɛ la, gafe to a bolo. I taatɔ, i bɛ se k’a tigi ɲininka ko: “Diinɛ lakika ka kan ka nɔ bila mɔgɔ jogo la cogo di?” Fɛɛrɛ tigɛ i ka segin ka taa bɔ a tigi ye walisa ka o ɲininkali jaabi di.

“Mɔgɔ min ye diinɛba dɔ kɔnɔmɔgɔ ye, i bɛ se k’a fɔ o tigi ye ko: “Ko ɲuman don ka kuma ni diinɛ wɛrɛw mɔgɔw ye. Hadamadenw ye Ala ɲini ni sira caman ye. [Ni a bɛnnen bɛ, Kɛwalew 17:​26, 27 kalan.] Tuma caman mɔgɔw bɛ tugu u bangebagaw de ka diinɛ kɔ. [Gafe ɲɛ 8 nan ta i ka dakun12 nan kalan.] K’a ɲini ka fɛn caman dɔn diinɛ wɛrɛw kan, o bɛ yeelen bɔ mɔgɔ ye ani o bɛ mɔgɔ kalan. Nin gafe bɛ kuma diinɛba caman kan minnu bɛ diɲɛ kɔnɔ. A bɛ kuma o diinɛbaw nacogo kan, ani ko minnu bɛ kɛ u kɔnɔ ani kalansira minnu bɛ u kɔnɔ.” I kumaɲɔgɔn ka diinɛ yɔrɔ jira gafe kɔnɔ: Sikhisme (Sikdiinɛ)(100-1); Hindouisme (Ɛndudiinɛ)(116-​17); Bouddhism (Budadiinɛ) (141); Taoïsme (Taodiinɛ)(164-6); Confucianisme (Kɔnfisiusidiinɛ) (177); Shintoïsme (Sintodiinɛ) (190-5); Judaïsme (Yahutudiinɛ) (220-1); ani Islam (silamɛdiinɛ) (289)

La Révélation : le grand dénouement est proche !

“I delila ka a mɛn ko. . . [Kuma ko kura dɔ kan min kɛra]. Ikomi mɔgɔw bɛ karaba ka faga nin cogo la, mɔgɔ caman b’u yɛrɛ ɲininka mun bɛ se ka mɔgɔ salen ka dukɔnɔmɔgɔw dusu saalo. E bɛ mun miiri o ko la?” Jaabi makɔnɔ. O kɔ gafe ɲɛ 299 nan dayɛlɛ i ka su-kunun ja jira. Tɛmɛ ni kuma ye i k’a fɔ ko: “ Mɔgɔ caman bɛ kabakoya ko mɔgɔ tilennenw ani tilenbaliw bɛna sulakunun walisa u ka ɲɛnamaya kɛ Alijinɛ kɔnɔ dugukolo kan. [Kɛwalew 24:15 sɛbɛnniw kalan gafe ɲɛ 297 nan na, dakun 9 nan kɔnɔ. O kɔ, i ka a ɲɛfɔliw kalan dakun 10 nan kɔnɔ.] Nin gafe bɛ fɛn caman wɛrɛ ɲɛfɔ Ala ka kuntilenna kan, a ye min sigi don nataw kama.”

La Bible : Parole de Dieu ou des hommes ?

“An tile la bi, mɔgɔw fanba ni gɛlɛyabaw de bɛ ɲɔgɔn na. Mɔgɔ caman bɛ u ɲɛsin laadilikɛla sifaw bɛɛ ma walisa u ka bilasirali-kuma sɔrɔ. Dɔw bɛ taa lajɛlikɛlaw ka dɛmɛ ɲini. E fɛ, an bɛ se ka laadilikan ɲumanw sɔrɔ yɔrɔ jumɛn de la, laadilikan minnu bɛ an nafa sɛbɛ la? [Jaabi makɔnɔ.] Bibulu bɛ kuma tinyɛ dɔ kan an bɛɛ ka kan ka min faamuya. [2 Timote 3:​16 kalan. O kɔ, gafe ɲɛ 189 nan na dayɛlɛ i ka dakun 9 nan kalan.] Nin gafe bɛna i dɛmɛ k’a faamu ko, ka tugu Bibulu ka fɔlen kɔ, o bɛ an nafa tuma bɛɛ.”

Le plus grand homme de tous les temps

“San kɔnɔ, Nɔɛli waati la, mɔgɔ caman bɛ miiri Yesu la. Nka n’u ye ko kolonw filɛ minnu bɛ kɛ diɲɛ yɔrɔ bɛɛ la, mɔgɔ dɔw bɛ u yɛrɛ ɲininka n’a y’a sɔrɔ Yesu bɛ a jan to an na. E ko di o la?” Jaabi makɔnɔ. Gafe tilayɔrɔ 24 nan dayɛlɛ, i ka baro surun kɛ Yesu nakun kan dugukolo kan. O kɔ Yuhana 15:13 kalan ka i sinsin Yesu ka kanuyaba kan ka ɲɛsin mɔgɔw ma.

“Ni mɔgɔ dɔ kumana Yesu kan, mɔgɔ caman hakili bɛ jigin a bebedenninlama na, wala u hakili bɛ jigin a nimakarantɔ la. Olu ka Yesu-ko bɛ dan a bangeli ni a ka saya de ma. A ye kabako minnu fɔ, ka kabako minnu kɛ, fɛn tɛ fɔ olu ko la. A ye min kɛ, o bɛ dugukolokan-mɔgɔ kelen kelen bɛɛ kun kan. O kosɔn, an k’a ɲini ka dɔn a ye dakabana ko min kɛ an kosɔn, o nafa ka bon an ka ɲɛnamaya kɔnɔ.” Yuhana 17:3 kalan. Gafe ɲɛbilakuma ta i ka o dakun 4 nan kalan.

Ala bɛ mun wajibiya anw ma?

“E miiri b’a la ko Ala y’a dabɔ a kama an ka kɛ gɛlɛya ninnu kɔnɔ bi wa? [Jaabi makɔnɔ. O kɔ Matiyu 6:​10 kalan.] Ala ka masaya ye fɛn min ye tiɲɛ na, e delila k’i miiri o la wa?” Taa kalansen 6 nan na i ka ɲininkaliw kalan minnu bɛ daminɛ na. Baro daminɛ o kalansen kan.

“Hali ni hadamadenya ye ɲɛtaa caman sɔrɔ, bana ni saya bɛ ka taga a fɛ ka mɔgɔw tɔɔrɔ kosɛbɛ. Yali e b’a dɔn Yesu bɛna min kɛ banabagatɔw, mɔgɔkɔrɔbaw ani hali suw ye wa?” Jaabi makɔnɔ. N’i barokɛɲɔgɔn b’a fɛ ka o jaabi dɔn, gafenin dayɛlɛ kalansen 5 nan na, i ka dakun 5-6 nan ɲininkaliw kɛ. Baro kɛ o dakunw kan walima fɛɛrɛ tigɛ walisa i ka o kɛ sinyɛ wɛrɛ.

Adorez le seul vrai Dieu

“E fɛ an bɛ se k’an ɲɛsin ka dɛmɛ ɲini min, walisa ka ɲɛnamaya kɔnɔ gɛlɛyaw kun? [Jaabi makɔnɔ. O kɔ Romɛkaw 15:4 kalan.] A kɔlɔsi ko Ala ka Sɛbɛnni fiyɛlenw b’an kalan, K’an dususaalo, ani ka jigiya di an ma minnu bɛ barika don an na walisa an ka se ka gɛlɛya kun. Nin gafe bɛ laadilikanw di an ma minnu bɛ an dɛmɛ ka nafaba sɔrɔ Bibulu kalan na.” Hakilila naani minnu bɛ sɔrɔ ɲɛ 30 nan na, olu kofɔ.

“Kabini Yesu tun bɛ dugukolo kan mɔgɔ caman ye delili kɛ walisa Ala ka masaya ka na. Yali e y’i yɛrɛ ɲininka, Ala ka masaya nali bɛna fɛn min lase hadamadenw ma wa? [Jaabi makɔnɔ. O kɔ Daniɛl 2:​44 kalan.] Nin gafe bɛ a ɲɛfɔ Ala ka masaya ye fɛn min ye, a bɛna fɛn min kɛ, ani an bɛ se ka nafa sɔrɔ ka bɔ a ka fanga tilennen la cogo min na.” Ja min bɛ ɲɛ 92-3 nan na, ɲɛfɔli kɛ o kan.