Bibulu: Ala ye ɲɛbila min di mɔgɔw bɛɛ ma
1 Bibulu miliyari naani ɲɔgɔn de bɔra kanw ni kanbolofara 2100 ni kɔ la. O y’a to, diɲɛ kɔnɔ, mɔgɔ 100 la, 90 ka se ka Ala ka Kuma sɔrɔ. O bɛɛ n’a ta, “Jehowa ka kuma mɛnni” kɔngɔ bɛ diɲɛ na. (Amɔs 8:11) Bibulu bɛ mɔgɔ caman minnu bolo, olu fana t’a kalan wala u t’a kɔrɔ faamu. Ka Bibulu kɛ mago dilan ɲɛbila ye u ka ɲɛnamaya kɔnɔ, an bɛ se k’a diya don u la cogo di?
2 Desanburukalo la, an na La Bible: Parole de Dieu ou des hommes? gafe jira. Minnu mana u mago don a la, an na Bibulu bayɛlɛmaɲɛ fana jira u la, bayɛlɛmaɲɛ min b’an mago ɲɛ kabini san 34, n’o ye Traduction du monde nouveau ye. An k’a fɔ k’a sankɔrɔta k’a kɔnɔna misaliw jɛlen don, a kɔnɔna kuma faamu ka di. (A’ ye “Toute Écriture” kitabu lajɛ, a ɲɛ 320, a dakun 6nan na.) An na an ka waleɲumandɔnba jira Jehowa ka nin nilifɛn ko la ni nisɔndiya ye, ka tɔw dɛmɛ ka sɔn Bibulu la iko Ala ka ɲɛbila dilen mɔgɔw bɛɛ ye.
3 Aw bɛ se ka kuma kuntigɛ ni “Pourquoi avoir confiance en la Bible” sɛbɛndennin ye. Aw bɛ se k’a fɔ:
◼ “Mɔgɔ 100 la diɲɛ kɔnɔ, 90 bɛ se ka Bibulu sɔrɔ u ka kan na, nka, mɔgɔ damadɔw dɔrɔn de b’a kalan. E ka miiri la, o kun ye mun ye?” Aw ka sɛbɛndennin dakun fila fɔlɔw ani 2 Timote 3:16 kalan. Aw ka Parole de Dieu gafe tali kofɔ a ye dɔrɔmɛ 100 kunkɔrɔ. Ni sɔn ma kɛ gafe la, aw k’a fɔ aw kumaɲɔgɔn ye k’a ka sɛbɛndennin tɔ kalan a sago la. Aw k’a hakili sama tilayɔrɔ laban nɔfɛ, n’o ye “La Bible prophétise l’avenir” ye.
4 Tuma min na aw bɛ segin ka taa bɔ mɔgɔ ye, aw ye “Pourquoi avoir confiance en la Bible” sɛbɛndennin to min bolo, aw bɛ se ka nin sifilɛ:
◼ Aw kɛlen kɔ ka hakililajigin kɛ baro tɛmɛnnen ko la, aw ka sɛbɛndennin dakun laban fila kalan. Aw k’aw kumaɲɔgɔn ɲininka n’a y’a sɔrɔ a y’i miiri a ma ka kɔrɔ, ko ɲɛnamaya banbali bɛ se ka kɛ dugukolo kan. A’ye a ka jaabi lamɛn ka tila k’a fɔ: “Jehowa Seerew dalen b’a la ko Bibulu ka kirayaw bɛɛ bɛna timɛ; minnu bɛ sini dakabanama kofɔ Ala diyanye mɔgɔw ye, olu sen b’o la.” Aw ka ja jira min bɛ Wajibiya gafenin ɲɛ 13nan na. Walisa ka kalan daminɛ, aw ka kalansen 5nan ta, ani a’ye ɲininkali kɛlenw jaabi sɛgɛsɛgɛli kofɔ.
5 Danyɔrɔ minnu na mɔgɔw nɔrɔlen bɛ diinɛ la, aw ka nin kuma kuntigɛ cogo sifilɛ:
◼ “An bɛ dusu don mɔgɔw la walisa u ka bonyaba da Bibulu kan. Bibulu bɛ denbayaw caman bolo, nka minnu b’a lajɛ n’u ye gɛlɛyabaw sɔrɔ, olu man ca. I y’o kɔlɔsi wa? [Aw ka jaabi makɔnɔ.] A dɔ rɔ, mɔgɔw b’a miiri ko Bibulu tile tɛmɛna. Nin gafe in, La Bible: Parole de Dieu ou des hommes? bɛ dalilu jɛlenw di ko Bibulu ye lɛgɛsɛ ye dɔnni sira la, ani fana, an bɛ kunko gɛlɛnba minnu sɔrɔ bi, a b’u ɲɛnabɔ cogo ɲuman fɔ.” Aw k’aw kumaɲɔgɔn hakili sama gafe masalakun 8nan wala 12nan miirinata nɔfɛ, aw ka tila ka gafe tali kofɔ a ye.
6 N’aw bɛ segin tuma min na ka bɔ mɔgɔ ye, aw ye “Parole de Dieu” gafe to min bolo, aw bɛ se k’a fɔ:
◼ Ne nako fɔlɔ la, an y’a ye cogo min na, Bibulu b’an dɛmɛ ka bi tile kunko gɛlɛnw ɲɛnabɔ. Minnu bɛ sɔn a la iko Ala ka Kuma, a bɛ olu fana dɛmɛ ka ɲɛnamaya kɛ hɛrɛ ni wasa kɔnɔ. Ne ye gafe min to i bolo, Bibulu ka sariyakolo minnu ɲɛfɔlen b’a kɔnɔ, ne b’a fɛ k’u dɔ la kelen jira i la.” Sɛbɛnniw kɔnɔ sariyakolow dɔ la kelen min bɛ masalakun 12nan na, a dakunw 3-6nan na, aw ka masala o kan, ka tila ka kuma kuncɛ ni dakun 7nan kalanni ye. Ni a tigilamɔgɔ ye mago don jira kɛ, aw ka kalan kofɔ a ye Connaissance gafe wala Wajibiya gafenin kan.
7 Nin barokun bɛ se ka diya mɔgɔ kɔrɔw ye:
◼ “Waati dɔ tun kɛra, Bibulu tun bɛ kalan duw fanba kɔnɔ, ani a sariyakolow tun bɛ denbayaw bilasira u ka diɲɛnatigɛ kɔnɔ. A tun bɛ kɛ ten aw bara wa? [Aw ka jaabi lamɛn.] Bi, i b’a fɔ ko mɔgɔw bolo degunnen don kojugu Bibulu kalan ma, wala u b’a miiri ko a kɔnɔna sariyakolo minnu bɛ kuma jogo kan, k’olu tile tɛmɛna. La Bible: Parole de Dieu ou des hommes? gafe in kɔnɔ, masalakun 13 nan bɛ mɔgɔ saba ka ko lakali, mɔgɔ minnu, u kɛlen kɔ ka Bibulu kalan, ye yɛlɛmaw don u ka ɲɛnamayaw kɔnɔ. Ala ka kuma se y’u dɛmɛ cogo min na, n’i b’a fɛ k’o kalan, a na diya ne ye ka nin gafe to i bolo dɔrɔmɛ 100 kunkɔrɔ.”
8 An nako filanan na, an bɛ se k’a fɔ:
◼ “Ne nako fɔlɔ la, an tun bɛnna a kan ko bi mɔgɔw bɛ Bibulu ka sariyakolow bila bolo kɔfɛ, jogo kun kan sariyakolow kɔni. E yɛrɛ ɲuman na, yali an kunkanko don wa? [Aw ka jaabi lamɛn.] Yesu tun y’a ɲɛfɔ ko dan tɛ Ala dɔnniya nafa la.” Aw ka Yuhana 17:3 kalan. O kɔ, aw ka Connaissance gafe dayɛlɛ a masalakun fɔlɔ yɔrɔ la, aw ka masala dakun 5nan kan. Aw ka kuma an ka Bibulu kalan sarabɔbali bolodasira ko la, ani a’ye a ɲɛfɔ aw kumaɲɔgɔn ye k’aw b’a fɛ ka ɲɛjirali k’a ye.
9 An ka Jehowa deli a ka duba an ka jijaliwalew ye walisa ka mɔgɔw hakili kunsin Bibulu ma—a ye ɲɛbila min di mɔgɔw bɛɛ ma!