E se Ngwom Dagwi E?

PYE DE GWU BWOK-BASA DAGWI GWA YI

“Dagwi de e re negwɔm yi e lagwi ê tɛ segwɔm de bê tɔk gang sɛ wɛt.”—Danyɛl 2:44.

“Yaga ba tɔ a wot hwey, ba ga nɔn got hwey wen! Ko yɛ ê re negwɔm.”—Yɛshaya 9:6.

NTAA DE HWU SE YI NA TOK HEMO

• Ngwom ne sago de he sele hwo.​—Yɛshaya 48:​17,18.

• Vogo nuyel jei yi ve teye pyaso, hwu ve shila hwo de ntyang tang’a yei pyeng.—Reto Fong Yohana 21:3,4.

WOT E TOK NONG SAGO DE PYE DE GWU BWOK-BASA DAGWI GWA HA A?

Ei, yaga pye bya:

• Yesu a dura pye de ngwom Dagwi ne ve ra. Yesu a basa a bemat ra me, be ra won na ngwom Dagwi ne vei de ne ra pye de Dagwi e simi eji jei. (Matayus 6:9, 10) Pye de Yesu a ra ya dura wogo e ve shila won hane.

  Jeng de Yesu a se eji jei, a nong bemat de ba wok vyong pye, a te bemat ro tyang, a sene de bemat de ba ga kusu! (Matayus 15:​29-38; Yohana 11:​38-44) Yesu a ra ano de a dura pye de e ke ve ra a bemat e jeng de e ve tut e Ngwom Da me.—Reto Fong Yohana 11:15.

• Pye de ye se te eji jei ya dura wogo ngwom Dagwi na ga vei bagat. Yesu a kang’a ha wogo bagat de jeng de ngwom Dagwi ne vei de sang’al ntyang e jei, jei yi shila he de chomo, de vyong, de digis vwel.—Matayus 24:​3, 7.

  Wot e si bereng shila pye yemo a remo. Yago ano, wot a tok ngwom Dagwi na ga vei bagat de ne te mwa yom ne yene hen eji jei.