E se De ye Vei De Sang’al Ntyang E Loh E?
E bara mo . . .
e simi a?
e dyam a?
e pye cak detu a?
PYE DE GWU BWOK-BASA DAGWI GWA YI
“A sé e vemo de be wok hâ Dagwi e negya, na be gyenges hɛ, de ba sé vê yey pyeng.”—Luka 11:28.
NTAA DE HWU SE YI NA TOK HEMO
Da loh e simi hwa loh-me.—Efɛsus 5:28, 29.
Deh loh e nong rwas me ne rei.—Efɛsus 5:33.
Loh he vok sang’al ntyang. —Markus 10:6-9.
WOT E TOK NONG SAGO DE PYE DE GWU BWOK-BASA DAGWI GWA HA A?
Ei, yaga pye bya:
E Dagwi we de a se tis ka he loh. Gwu Bwok-basa Dagwi gwa yi “kayɛ yere . . . ye sey reza” yi na Dagwi Jehova. (Efesus 3:14, 15) Wot e ye, e Jehova de a yong ka he loh. Yaga se a se bwing-bwing de wot e yi ano e?
Wot a ye nyen: Ka sere leng ha taa, hwu simi de hwu tok pye de be ki me leng’o. E wa de hwu rang’al e? E mwat de a ki he.
Ha se ano de wot e tok pye de ye vei de sang’al ntyang e loh. E jam de wot e te nhwe mot wo de Jehova yaga e ye de a Pere yong sang’al loh.—Susumo 2:18-24.
Dagwi e simi hwo. E se pye ne siseng de nloh ne ra a badu Jehova e ji Gwu Bwok-basa me. Yaga se e? “Yaga e yɛ de e bɛrɛng hin naka.” (1 Bitrus 5:6, 7) Jehova e simi hwo de sang’al ntyang, ku badu me be ra fwom ka ye jeng!—Cinat Neha 3:5, 6; Yɛshaya 48:17, 18.
RA TORONG ERA RANGSAL HEMO
E re hwu se daloh, ke dehloh, dara ke ngo rwat e?
Gwu Bwok-basa Dagwi gwa nong nu ha e ji Efɛsus 5:12 tang’a Kolosi 3:18-21.