Mu Dyúa

1. Ɓèà mu dyúa, ɓèà mu dyúa ɓɛ́ à ké ɖɛ hwɛ̀!

Nyuɛ ɓɛ́ jàà-cèɔ̀ ké fã, ɓɛ́ nyɔ séín ɓè kéɛ dyé wáɖáá.

Vɔ̃ ɓɛ́ nì wuɖu-wáɖá-kàɔ̀ ké dyíin nɔ̀mɔ̀ ti séín.

Taɓa Geɖe-pɔɔ hwìɖìi ɓó kũ̀àɔ̀ jè.

Nyɔ séín ɓɛ́ìn kpé ɓò kũ̀àɔ̀ ɖò nyu jè.

Dyuòɛ̀ kà ɓɛ́ Jí-zɛ̀ nyuɛ ma ɖe-kèɛ.

Gmɔ̀ìn ɖé Geɖe-pɔɔ gbo, ɓɛ́ ɔ ké m̀ gbo kpá,

Ɓɛ́ m̀ ké dyí-sɛ́ɖɛ́ìn-ɖɛ̀ nyu.

2. Ɓèà mu dyúa, ɓèà mu dyúa, ɓèà nyu zà-se tee.

Cɛ̃ sè-ná-sèɛ̀ bɔ̃̀ɔ̀, ɓɛ́ nyɔ kàìn séín ɓè ké ɔ wɔ̃́.

Ɓèà ɓaìn à Ɓà Jɛ-ho-va mɔ̀à à Kã́á kɛ

Dyììn ɖé à wuɖu-wáɖá-kũ̀àɔ̀ mú.

Gbo-vɔ̃-nyɔ̀ ɓè mu dyɛ̀ à fã̀ùn poùn.

Ɓɔ́ fɛ̃̀ìn ɓɛ́ nyɔ séín ké bɔ̃̀ kɛ wɔ̃́.

Cɛ̃ɛ wa gbo kà Geɖe-pɔɔ Kã́á-ɓòɖòɔ̀ ɖà dyi dèɛ.

Tɛ̀mɛ̀ìn wa jààɔ̀ tee dúún-ku-kà.

3. Ɓèà mu dyúa, ɓèà mu dyúa, ɓɛ́ à ké wa gmɛ̀ìn.

Ké po nì sɛ́ɖɛ́ ɓèɔ̀ kɔ̃,

kà kũ̀à pàɖà ɓè nìà ɓó kɛ.

Wɔ̃́ ɓɛ́ Zùù-hwɛ̀ìn-hwɛ̀ìnɔ̀ ké m̀ nàìn ti séín ɓaɖa.

Ɓéɖé múà sɔ̀àìn ɖé Geɖe-pɔɔ gboɛ.

Ðɛ̀ɓɛ̀ nyɔ ɓè m̀ ɖà da dyé kɛɛ mú.

Kɔ́ìn ɖe ɓɛ́ m̀ ké wa hwòɖò dyi tó.

Ké kpá wa gbo ɓɛ́ wa ké wa kpeɖe gbo zĩàìn,

Ɓɛ́ ce mɔ̀à jààɔ̀ kɛɛ ké fã.