Xwɛ̀ Ɔ Nyu Nì Hwòɖòɔ̀ Nyuɛ́?

1. Xwɛ̀ ɔ nyu nì hwòɖòɔ̀ nyuɛ

ɔ jù ké m̀ dyi jààɔ̀ tɛ̀mɛ̀ìn,

Kè nyɔ ɓè ɓéɖé hwòɖò wáɖáá kɛɛ

hwòɖò-dyùà ɓèɔ̀ hwùɖù zà níɛ́?

Nyu ɖɛ m̀ ɓɛ́ìn nyuɛ kɛ,

nìí Geɖe-pɔɔ muɛ tɔ̀ɔ̀ dyí hwɔùn.

Ɔ dyé nyɔ ɓè hwòɖò-dyùà bũ̀ìn—

nyɔ ɓè ɓéɖéà hwòɖò wáɖáá kɛ.

2. Xwɛ̀ ɔ nyu nì hwòɖòɔ̀ nyuɛ

ɔ jù ké nì wuɖuɔ̀ dyi ɖéè

Ðé nyɔ ɓè kɔ̃̀ hwòɖò wɔ̃́ ɓó

fɛ̀ɛ̀ ɓéɖé jè kɛɛ gbo níɛ́?

Nyɔ ɖíɛ́ ɓè pòìn kɔ̃ fɔɔ,

ké wa ɖíɛ́ ɓè ɓɛ́ìn hwìì sɔ̀ɛ̀n.

Kɛɛ, ɔ nyɛ́nɛ́ɔ̀ jè po à múàùn,

ké à cɛ̃ ɔ wuɖuɔ̀ tee.

3. Xwɛ̀ ɔ nyu nì hwòɖòɔ̀ nyuɛ,

kà Geɖe-pɔɔ kpá nyɔ gbo jàà

Kè kà ɔ dè m̀ hwòɖò kɔ̃

ɓó ɔ kũ̀àɔ̀ nyu jè kɛ́?

À ɓɔ́ɖɔ́ ɓó wuɖuɔ̀ cɛ̃ jè;

À se fɛ̃̀ìn, kɛɛ à wuɖu ɖéè,

ɓɛ́ à ké nyɔ ɓè dyi mɔ́.

Kũ̀à nìà kɛ mu hwɛ̀ìn kàùn.