WƐ́ÐƐ́ 90
Ɓěà Poìn Pòìn Kpéí
(Híìbúɖúù 10:24, 25)
1. À dyí à mǔè ɖò kpé dyí po tee
Ɓɛ́ à ké Gèɖè-pɔ́ɔ̀ bìì kũ̀à nyuín,
À ɖɛ̀ɓɛ̀ǐn-ɖɛ̀ɓɛ̀ǐnɔ̀ mu dyi kùùn ti séín ɓaɖa.
Ké ɔ dyà gìɖìǐ kè gbo-kpɔ̃ìn-kpɔ̃ìn.
Ðɛ̀ɓɛ̀ǐn-ɖɛ̀ɓɛ̀ǐn nìà Gèɖè-pɔ́ɔ̀ nyɔ ɓěɔ̀ hwìɛ̀ kɛɛ
Nyí à kpé ɓɛ́ à ké hwòɖǒ ku.
À dyí-poìn-kpòò ɓěɔ̀ mɔ̀ à pèɖèìn-naín.
Ðéɛ̀ à ɓɛ́ìn gìɖìǐ mú nìɛ̀ ti séín.
2. Wuɖu ɓɛ́ nyɔ cɛ̃ ké ɔ ní páún wɛ̃ɛ
Ɔ zi dyíin nɔ̀mɔ̀ǔn ɖé nyɔ ɓě ɖùǔn.
À wɔ̃́ hwòɖǒ-dyi-dè-wùɖù ɓě nìà wɛ,
Ðé ɖíí ɓě kɔ̃̀ à jè gboɛ wĩín.
Ɔ nɔ̀mɔ̀ dyíin ɓɛ́ à ké à ɖíí ɓě
Nyu Gèɖè-pɔ́ɔ̀ mɔ́ɔ́-ɖɛ̀ kɛɛ hwìɛ̀ nì.
À vɔ̃ à ké à mǔè ɖǒ kpéí po.
Ké à ɓéɖéìn ɓèɖèìn à mǔe ɖòɛ̀ gbɛ̌.
3. Kà à hwìɖǐǐ-taɓa-taɓaɔ̀ nyu ké à ɖǎà
Jɛ̀-hó-vàà wéɔ̀ dyi-xwɛ̃́ìn-xwɛ̃́ìn dyéɛ,
À kɔ̃̀ à ké dyí poìn ɓó ti séín
Ɓɛ́ à ní kɔ̃̀ ɖǎ hwìǐ sɔ̀ìn fɔɔ.
À dyi Gèɖè-pɔ́ɔ̀ nyɔ ɓěɔ̀ kíɖíí sè ní,
À mu ɔ ɓièìn sè-ná-sèɛ̀-tiín.
Ɔ jèɛɛ, à po à mǔè ɓě kpé dyí,
Ɓɛ́ à séín ké dyí-sɛ́ɖɛ́ìn-ɖɛ̀ nyu.
(Dyé Ðúù 22:32; Àpɔ́. 14:21, 22; Gàɖ. 6:2; 1 Tɛ̀s. 5:14 ɖekè.)