WƐ́ÐƐ́ 101
Kũ̀à-Nyu-Nyu Ðé Gbo-Kpɔ̃ìn-Kpɔ̃ìn Mú
(Ìfísĩ̀ɔ̀ 4:3)
1. Ɓóɖó-kpà nìà kɛ se gbo kpɔ̃ìn fɔɔ
Kɛɛ Jɛ̀-hó-và ɖǎ ɖé à zà.
Gbo-kpɔ̃ìn-kpɔ̃ìn kè gìɖìǐ ɖé à ɓéɖéa,
Ɔ nyùìn à múà mìɔ cá.
Gbo-kpɔ̃ìn-kpɔ̃ìn mɔ̀ bã-ɖɛ̀.
Gìɖìǐ dè nyɔ séín hwìɖǐi.
Kũ̀à pàɖǎ nì ɓó ɓɛ́ à ké nyuɛ.
Gèɖè-pɔ́ɔ̀ Dyúɔ̀ mɔ̀ à ɖɛ-tɛ̀mɛ̀ìn-nyɔ̀.
À mɛ nyu kũ̀à wuɖu-nyu-kà kánáá
Ɔ kè ɖé gìɖìǐ mú tee.
2. À dyi ɓaà à ké dyúá-ɖò nììn,
À mɛ ɖɛ̀ɓɛ̀ à mǔè ɓě mú tee.
Ðɛ̀ɓɛ̀ǐn-ɖɛ̀ɓɛ̀ǐn kè ɓàìn-ɓàìn mu dyi hwɔùn,
Ké ɔ dyà múà kè gìɖìǐ.
Gìɖìǐ dyà hwòɖǒ-dyi-dè-dè,
Ké ɔ po nyɔ múàǔn.
À dyi ɖíí ɓěɔ̀ mú ɖɛ̀ɓɛ̀ mìɔ ní,
À mu gìɖìǐ sɔ̀ìn ɖé dyɔún wɛ̃ ɓéɖéín.
Gèɖè-pɔ́ɔ̀ muɛ nyuùn à ké gbo kpɔ̃in
Ðé ɔ ɓiè-ɓiè mú tee.
(Dyé Mákà 2:12; Zɛ́f. 3:9; 1 Kɔ̀. 1:10 ɖekè.)