“Gèɖèpɔ́ɔ̀ Mɔ̀ Ðɛ̀ɓɛ̀ǐn-Ðɛ̀ɓɛ̀ǐn”

1. Gèɖè-pɔ́ɔ̀ mìɔùn mɔ̀ ɖɛ̀ɓɛ̀ǐn-ɖɛ̀ɓɛ̀ǐn, ɔ ɖá:

À mɛ sí ɔ kpeɖe-ɔ̀ kíɖíí.

À dyi à mǔè ɓě mú ɖɛ̀ɓɛ̀ ní,

À mu wa nɔ̀mɔ̀ dyíin dyí nyuùn.

Ðɛ cĩ́-cĩ́ ɓá dyí kɛɛ nìàǒ wɛ̀.

Fɛ̀ɛ̀ à mɔ́à kɛɛ kǎà nyu nìɛ̀.

Kà Jí-zɛ̀ nyuà ɖɛ̀ɓɛ̀ǐn-ɖɛ̀ɓɛ̀ǐn tɛ̀mɛ̀ìn nyɛɛ

Mu à hwìè da zàìn kánáá pū.

2. Jǎàɔ̀ mú-ɖɛ̀ɓɛ̀-ɖɛ̀ɓɛ̀ po à kpé dyí,

Ɓɛ́ à ké nyɔ ɓě mú ɖɛ̀ɓɛ̀.

À dyi ɓuɖu ní, ɔ sɔ̀ìn à dyí.

Ɔ kpéɔ̀ nyu ké à ku dyi.

Jǎà ɖɛ̀ɓɛ̀ǐn-ɖɛ̀ɓɛ̀ǐn se hwɛ̀nɛ̀ ɖò ɓéɖé fɔɔ.

Ðɛ̀ɓɛ̀ǐn-ɖɛ̀ɓɛ̀ǐn kùìn ɖɛ séín hwòɖǒ tee.

À mɛ ɖɛ̀ɓɛ̀ à ɖíí ɓěɔ̀ mú mìɔ.

À mɛ vɔ̃ à ké mana dyé.

3. Mɔ̀ùn ɖá ɓɛ́ dyoɖo ké m̀ wuɖuí kɔ̃̀.

Ɔ mɛ ɓɔ́ m̀ wɔ̃ ziɛ fɔɔ.

Gmɔ̀ìn ɓǎɔ̀ gbo, ɓɛ́ ɔ ké m̀ nàìn.

Ɔ mu gma ɓěɛ̀ m̀ dyí tɛ̀mɛ̀ìn.

Ðɛ̀ɓɛ̀ǐn-ɖɛ̀ɓɛ̀ǐn ɓó Gèɖè-pɔ́ɔ̀ kè nyɔǔn bìì,

Kè kà ɔ mɛ nyu nìɛ̀ kɛ.

À mɛ tɛ̀mɛ̀ìn ɖɛ̀ɓɛ̀ǐn-ɖɛ̀ɓɛ̀ǐn nyɔ ɓě dyí

Nyɔ sɔ̀àìn dyɔún ɖé hwòɖǒ-wáɖáá mú.