WƐ́ÐƐ́ 79
Tɛ̀mɛ̀ìn Wa Ðɛ, Ɓɛ́ Wa Ké Jǎàɔ̀ Mú Sè
(Máfíò 28:19, 20)
1. À kpá múàǔn ɓó nyɔ ɓě ɖɛ tɛ̀mɛ̀ìn jè,
Kè ɓɛ́ wa ké dúún zaìn nyɛ.
À dyéɛ ké Jɛ̀-hó-và gmɔ̀ wa dyí,
Ké wa nyu Gèɖè-pɔ́ɔ̀ wuɖu tee.
(WƆ̃́ÌN-WƆ̃́ÌN)
Jɛ̀-hó-và, Ɓɔ̌ɔ̀ à nì m̀ ɓaàǔn,
Ɓɛ́ m̀ ké nì ɓáɖáá ɓěɔ̀ dyí gmɔ̀.
À ɓaà wa bìì ɖé Jí-zɛ̀ nyɛ́nɛ́ìn: Wa mɛ wóɖó mú.
Wa ɖò-ɖò séín mɛ sè jǎàɔ̀ mú.
2. Wé séín ɓaɖaa à ɓaà ma ɓó wa bìì
ɛ́ wa ké fũ̀à-fṹá hwòɖǒ kùìn.
À tɛ̀mɛ̀ìn wa ɖɛ ké à kpá wa gbo.
Ké m̀ ɖǎ wa mana kɔ̃ po.
(WƆ̃́ÌN-WƆ̃́ÌN)
Jɛ̀-hó-và, Ɓɔ̌ɔ̀ à nì m̀ ɓaàǔn,
Ɓɛ́ m̀ ké nì ɓáɖáá ɓěɔ̀ dyí gmɔ̀.
À ɓaà wa bìì ɖé Jí-zɛ̀ nyɛ́nɛ́ìn: Wa mɛ wóɖó mú.
Wa ɖò-ɖò séín mɛ sè jǎàɔ̀ mú.
3. M̀ mɛ nyuɛ ɓɛ́ wa ké dyi ku tee,
Ɓɛ́ wa ké m̀ hwòɖǒ kɔ̃ dè.
Wa dyi nì dyú-gàà wuɖu nyu tee ní,
Wa mɛ ɓéɖé sè-ná-sèɛ̀ fɛ̀ɛ̀.
(WƆ̃́ÌN-WƆ̃́ÌN)
Jɛ̀-hó-và, Ɓɔ̌ɔ̀ à nì m̀ ɓaàǔn,
Ɓɛ́ m̀ ké nì ɓáɖáá ɓěɔ̀ dyí gmɔ̀.
À ɓaà wa bìì ɖé Jí-zɛ̀ nyɛ́nɛ́ìn: Wa mɛ wóɖó mú.
Wa ɖò-ɖò séín mɛ sè jǎàɔ̀ mú.
(Dyé Ðúù 6:48; Àpɔ́. 5:42; Fèɖ. 4:1 ɖekè.)