Dyéìn Jɛhovaa Ðɛ̀ɓɛ̀ìn-Ðɛ̀ɓɛ̀ìn Se-Sèìn-Naín-Kɔ̃̀ɔ̀

Jɛhova mɔ̀ dyí-tɛ̀mɛ̀ìn-ɖɛ̀ vɛ̀nɛ̀ ɓá ɖɛ̀ɓɛ̀ìn-ɖɛ̀ɓɛ̀ìn se-sèìn-naín-kɔ̃̀ɛ jè dyí. (Wɛ́ 103:11) Ðɛ̀ɓɛ̀ìn-ɖɛ̀ɓɛ̀ìn nìà kɛ se gbe-hã̀ìn-pèè ɓɛ́ ɔ ní hwèɖèàìn nyɛ. Ðɛ̀ɓɛ̀ìn-ɖɛ̀ɓɛ̀ìn se-sèìn-naín-kɔ̃̀ɛɛ sɔ̀ìn ɖé hwòɖò-dyùàɔ̀ bũ̀, ké ɔ mɔ̀ sè-kpá. Jɛhova tɛ̀mɛ̀ìn ma kpeɖe nìà kɛ ɓó ɔ nyɔ ɓè mɔ̀ ma kà Éézùɖùɛ̀-nyɔ̀ ɓèɔ̀ kɛɛ bìì ɖé hwìè pàɖà ɓè mú. Ɔ póìn ma wa gìì xwaún ɖé Íjè-ɓòɖòɔ̀ kɔ̃, ké ɔ dyà ma wa ɖé Nyɛ́nɛ́ín-Ðáìn-Ɓòɖòɔ̀ kɔ̃. (Wɛ́ 105:42-44) Ɔ vɔ̃ ma ɔ nyɔ ɓèɔ̀ bìì, ké ɔ zĩ̀ìn ma wa kɔ̃in kánáá pù ti wa nyu ma nàmàùn wɛ̃. (Wɛ́ 107:19, 20) À dyi ‘[Jɛhovaa] ɖɛ̀ɓɛ̀ìn-ɖɛ̀ɓɛ̀ìn se-sèìn-naín-kɔ̃̀ɔ̀ jè hwìɖìi poìn kóɖó-kóɖó’ ní, ɔ mu à kpéí poùn ɓɛ́ à ké ɔ dyéìn.—Wɛ́ 107:43.

DYÉ DYÍ-TƐ̀MƐ̀ÌN-ÐƐ̀ VÍÐÒ MƆ̀À “POÌN JƐHOVAA ÐƐ̀ƁƐ̀ÌN-ÐƐ̀ƁƐ̀ÌN SE-SÈÌN-NAÍN-KƆ̃̀Ɔ̀ JÈ HWÌÐÌI” KƐƐ DYI, NÌÍ, ƁƐ́ ƁÈ KÉ DYI-DIÈ-ÐƐ̀ ƁÈ KƆÀ ƁÓ DYÍƐƐ GƆ̃̀ JÙ:

• Hwìè nyɛ́ ɓè kɔ̃̀ mú à ɓɛ́ìn ɖɛ̀ɓɛ̀ìn-ɖɛ̀ɓɛ̀ìn se-sèìn-naín-kɔ̃̀ɛɛ tɛ̀mɛ̀ìn nyɛ́?

  Your answer

• Xwíníínɔ̀ nyɛ́ kɔ̃̀ jè ɖɛ̀ɓɛ̀ìn-ɖɛ̀ɓɛ̀ìn se-sèìn-naín-kɔ̃̀ɛ tɛ̀mɛ̀ìn-tɛ̀mɛ̀ìn

  Your answer