ˈCɩɛcɩɛ-kïbhëa 7
A ˈgïa ˈa dilaa Lagɔ ˈyi -mä bhibhebhibhiu ˈmö
ˈSaa ˈkä bhä ˈnglɩ ˈn ˈkwädlɩ a bhibhebhibhiu kä bhä dɛsɛ ˈnɩ? (1)
-Mɔ -a ˈkä bhä bhibhee, ˈn sɛɛ -a ˈkɔ bhä ˈmö bhibhebhibhenɩ ˈnɩ? (2, 3)
-Lii -mii nyɩ za -a ˈkä bhä bhibhee ˈnɩ? (4)
ˈTɛnyɩ -mɛ a ˈkä bhä ˈmö bhibhenɩ ˈnɩ? (5, 6)
Bhibhebhibhiu ˈwuë ˈmö Lagɔ -pʋnɩ bhä ˈyukwli -a? (7)
1. A -kä anyɩ dʋdʋ ˈwʋ -lɛ a -nyɛ Lagɔ ˈsɔ -kä bhïla, ˈmö wa laa bhibhebhibhiu. A kä a ˈkä ˈkwädlɩ Lagɔ bhibhe. -Sɩbhä a dɔˈwʋ, ɔ yii a tua ˈkɔdɔ zʋ. Zoova ˈghïli, ɔ ˈtɛɛ ˈmö, maa ɔ -wʋä -sɩbhä ˈwëë, ɔ -pʋnɩ -aˈa bhibhebhibhiu ˈyukwli. A bhibhe bhä ˈkwädlɩ Lagɔ -a?—Psaume 65:2; 1 Tesaloniikö a -nʋa 5:17.
2. Bhibhebhibhiu kä -mä Lagɔ ˈa bʋbɔbʋbʋʋ ˈmö ˈbhle. Zaa, Lagɔ Zoova a ˈyize ˈmö -a kä -a ˈkä bhibhe. Zezwii -wʋ a-a mäˈä dʋdʋ ˈwʋ la, ɔˈɔɔ käbönɩkpɛ bhibhee ɛ ˈnɩ -bhö ɔ Dɩba Lagɔ mɔ. Zaa -a nɩ -gänɩ ɔ gbäpöö. (Matie 4:10; 6:9) Maa -a -kä Lagɔ bhibhee, -a nɩ bhibhenɩ ˈkwädlɩ Zezwii a ˈnglɩ ˈmö. ˈN -a -kä -sɩbhä ˈzʋʋ, mɩɩ tulanɩɛ ˈylimö nɩɩ, ɔ bhlea Lagɔ nyɔɔ, ˈmö -a zʋä klʋkpamö, ˈn sɛ ɔ bʋbɔnɩɛ ɔnyɩ ɔ -kanyɩ galɛ ˈmö -sɛ a za ˈmö -a tɛɛnɩɛ dlɩ.—Zaah 14:6; 1 Zaah 2:1, 2.
3. -A -kä Lagɔ bhibhee yii, -a dilaa zɛmö a wɛlɩ ˈmö -a kä -a ˈkɔ ˈnyɛ. Maa -aˈaa kä -a ˈkä bhibhebhibhebɔgʋ ˈmö ylɩ -a ˈkä Lagɔ bhibhee, ˈn -a ˈkäˈɛɛ bhibhebhibhiu dlɩ zɛmö ˈcɩɛnɩ. (Matie 6:7, 8) Dɛ -a yi -wʋ oo, dɛ -a nɩ -wʋ oo, ˈtɛnyɩ ˈwuë ˈmö oo, -a bhɛnɩ -a ˈkä -lɛ Lagɔ bhibhenɩ, maa -sɩbhä nɩ kä ˈklʋkpamö. -A -kä -mä -aˈa dlɩ zɛmö Lagɔ bhibhenɩ, ɔ -pʋnɩnyɩ ˈyukwli ˈyize. (1 Samuel 1:12, 13) -A -kä Lagɔ bhibhee yii, dɛ bhlʋ dɛ nɩkpɛ ˈnɩɛ -wʋ dɛ -gëbë ˈnɩɛ -wʋ, -a bhɛnɩ -a ˈkä -lɛ plɛ, nzɩ -a ˈkä -lɛ Lagɔ bhibhenɩ.—Maakö 1:35.
4. -Lii -mii nyɩ za a ˈkä bhä Lagɔ bhibhee ˈnɩ? Yi kä ˈnglɩ ˈn a nyɔ ˈsɔ -wʋä bheyi ˈmö, yɩ ˈwlumö a ˈkɔɔ bhibhee. (Filiipö a -nʋa 4:6, 7) Bhibhebhibhiu Zezwii ˈcɩa ˈɔ ˈwʋ-bhlinɩwaa mʋ tulanɩɛ ˈylimö nɩɩ, -a -kä bhibhee yii, -a nɩ bhibhee Zoova a ˈnglɩ -nyɛ ˈsaa ɔ yɩbhää ˈsɔ a ˈwlumö. -A bhɛnɩɛ -a ˈkä -aˈa zila ˈwuë ˈmö a -lii a za Lagɔ bhibhee, ɔ ˈkä -aˈa ˈnyinyloli a gbʋ ˈyi ˈtatinɩ, nzɩ ɔ -kanyɩ ˈnyinyloli a ˈmötɛɛnɔɔ ngli -sɛ. (Matie 6:9-13) -A nɩ tɩ -aˈa ˈyize a ˈwlumö a za Lagɔ bhibhee. -Lii a -mii nɛnɩɛ Lagɔ dlɩ yɔwʋ, yɩ ˈyize a ˈwlumö -a kɔɔ bhibhee.—1 Zaah 5:14.
5. Bhibhebhibhe tʋ kanyɩ ˈkwädlɩ lɩbhä, a bhɛnɩ a ˈkä Lagɔ bhibhee a ˈkɔ bhälɩmö, nzɩ a ˈkä ɔ nglɩ ˈghlimanɩ. (1 Chroniques 29:10-13) A -kä gbʋ ghlɩ ˈn a -käˈɛ Lagɔ a dlɩ ˈtɛɛnɩ za klɩ yɩ dɔˈwʋ, a bhɛnɩ a ˈkä Lagɔ bhibhee. (Psaumes 55:22; 120:1) A kä lie yie, a nɩ bhibhe Lagɔ ˈwë, a ˈkä bhäla li. (Matie 14:19) Zoova lɛ nɩɩ: “-a nɩ bhibhe ˈkwädlɩ ˈyize.”—Ɛfɛɛzɩ a -nʋa 6:18.
6. -A -kä ˈnyinylolii a ˈkädɩ nʋʋ, -a kä -a ˈkä yɩ za tenyii Lagɔ bhibhee. -Lɩbhä a ˈtɛnyɩ ˈla ˈmö -a bhɛnɩ -a ˈkä Zoova bhibhee ɔ ˈkä -aˈa ngäzɩdlɩ ˈpä, nzɩ ɔ ˈkä -aˈa ˈnyinylolii ˈa gbʋ ˈyi ˈtatinɩ. -A -kä -mä -aˈa ˈmlɩ a ˈnyinylolii Lagɔ a yila ˈklʋ yɩ bïï -sɛ, ˈn -a nɩ ˈsɔ ˈmö nɛmönɩ, -lɩbhä a dɔˈwʋ, Lagɔ “yi -aˈa ˈnyinyloli a gbʋ ˈyi ˈtatinɩ.”—Psaume 86:5; Proverbes 28:13.
7. Wa nʋä ˈsaa nɛnɩɛ Zoova dlɩ yɔwʋ a ˈyize, ˈwa bhibhebhibhiu ˈmö ɔ -pʋnɩɛ ˈyukwli. A -kä ˈyli yɔwʋ ˈtɛɛnɩsɛ Lagɔ ˈa gböö -gänɩ, ɔ yi a bhibhebhibhiu ˈyukwli -pʋnɩ. (Proverbes 15:29; 28:9) A -kä Lagɔ bhibhee dɔˈwʋ, a -lɛmö anyɩ dʋdʋ ˈwʋ. (Lwiikö 18:9-14) Sɛ a bhibhee Lagɔ, a nɩ nɛmö -sɩbhä. A -kä -sɩbhä ˈzʋʋ, mii tulanɩɛ ˈylimö nɩɩ, a ˈsaa a yɩbhänɩɛ Lagɔ, ˈmö a tɛɛnɩɛ sasɛ dlɩ. A -kä -sɩbhä ˈzʋ ˈyize, Zoova yeanyɩ ˈsa a yɩbhänɔ ˈnyɛ.—Ebleewaa 11:6.