Lagɔwɛlɩɩ bia -bɛyɩ a dɛsɛkäkïbhï

-Mä Satalaflikö, avlilɩ -ɛ ˈplɩɛ -kaa ˈmö, Zezwii ˈa ˈkwie a ˈwʋligbanɩzlɩ, nɩkpa a 16.350 mʋa yiɛ, waˈa -bhlɛ tɛkäsɛ -sɩbhä zumanɩ. Mɩɛ nɩɩ, nɩkpa a 3.614 mʋa bhlinɩɛ ˈylʋba -maˈla ˈmö a -nʋa -gömö. -Mä Cadɩ, Zezwii ˈa ˈkwie a ˈwʋligbanɩzlɩ -bhlʋ -kpɔ ˈla ˈmö, nɩkpaa -wa yiɛ, sɛɛ waˈa -bhlɛ tɛkäsɛ ˈwʋdimanɩ -sɩbhä wa -di a-a ˈwʋ. Wa bhli a-a nɩkpa a 4.582. A-a nɩ bhïlaˈa -sɩkaa -mä Aflikö, mää ylʋʋ bhlinɩɛ a wɛlɩ. -Mä Jine Bisao a lagɔwɛlɩbiawa a 132, ˈcɩa nɩkpa a 549 Biblë 2015 a ˈylʋba a Maasɩ a ˈcʋ ˈmö. -A -kɩɩ ˈmö ylɩɛ mö, lagɔwɛlɩbiaɲɔ -bhlʋ, nɩkpaa ɔ ˈcɩaa Biblë bhlɩ 4 yɛˈmö. Lagɔwɛlɩbiawa ˈwuë, ˈŋwlɩ -ɲɛ ɲɩbhɛlɩ ˈsɔ -wa ˈzʋä ˈyiosɛwa, bhli nɩkpa a 58. -Lɛ a cʋʋ ˈla -bhlʋ -kpɔ ˈmö, lagɔbɔgwɩɩ wa ˈɲɛɛ nɩkpa -mä Mali -ɲɛ Senegalɩ ˈsɔ, zumanɩ teɲii yɩ zi ˈkwädlɩ a -nɩɩ ˈwʋ. Nɩkpa wa möä ˈwʋ ˈsɔ ˈylɩmöä ˈn -muë wa ˈcɩaa Biblë, teɲii wa ˈplɩɛ ˈwlu. Sɛ lagɔwɛlɩbiawa ˈzʋä daˈa Zezwii ˈa ˈkwie a ˈwʋligbanɩtɛɲɩ ˈmö, tula nɩɩ, -tiamö wa yɩbhlɩnɩ sɛɛ Zezwii ˈkuä wa ˈwlu ˈmö.—2 Kɔ. 5:14.