-A -kä lagɔwɛlɩɩ ˈɲɛɛ yi a sɛ -a bhɛnɩɛ -a ˈkä gbä
La Tour de Garde 1er octobre
“-Aˈa dɛglɩwa ˈwuë ˈmö -a -wʋä La Tour de Garde nɩ ˈylimötulanɩ dɔˈwʋ. [Tulanɔɔ tɛkäkpʋ ˈylimö.] -Mumuë pä dlɩ nɩɩ, nɩkpɛ -kä Lagɔ bhibhee, ˈfʋ ɔ lɩbhää ˈɔ ˈtɛɲɩ, Lagɔ ˈnɔɔ ˈyukwli -pʋnɩ dɔˈwʋ -wʋ. -Mumuë wabhlɩ, wa kɩ dlɩ ˈwʋ nɩɩ, Lagɔ -pʋnɩ ˈwa bhibhewɛlɩ ˈyukwli. Sɛ -n pä ɔ -naa dlɩ ˈnɩ? [ˈTatinɔ ˈyi ɔ ˈkä -gömö -sɛ.] Yɩɛ sɛɛ Biblë gbää bhibhebhibhiuu a dɔˈwʋ. [Zɛlɩ Isaïe 30:19 ˈmö.] Peliodikö nɩ tula nɩɩ, sɛɛ Lagɔ yɩbhää -a -kɔɔ -sɩbhä bhibhee, ˈn ˈsaa -a ˈyɩbhänɔɔ -kɔɔ dlɩ yɔwʋ nɛnɩɩ, ɔ -pʋnɩ -aˈa bhibhewɛlɩ ˈyukwli ˈn ɔ ŋwliɛ ˈwʋ.”
Réveillez-vous! Octobre
“-Aˈa dɛglɩwa ˈmö -a yiɛ ˈylɩmö -yɩɛ. Ɛˈɛ -bhö ɲɩasɛ, maa nɩkpa a -bɛ yɩbhä waɲɩ nimï, ˈsaa kää ˈŋlɩ ˈn Lagɔ ˈtatinɩɛ ˈklɩyɩyɛ ˈyi ˈn ɛ ghlɩɲɩɛ. -A -kä -sɩbhä a -lii a dɔˈwʋ Lagɔ nimïyɩbhää, -na dɔˈwʋ ˈklʋkpamö -a sɔ bhä -a? [ˈTatinɔ ˈyi ɔ ˈkä -gömö -sɛ.] Zɔɔbö -ɔ -lɛ a-a nɩkpɛ a -mɔ zlɔnɩɛ ˈmö, sɛˈɛ ɔ ˈyɩbhä a-a Lagɔ nimï. [Zɛlɩ Job 23:3-5 ˈmö.] Nimïyɩbhäkïbhï ta, nɩkpa a -bɛ -käa bhɛnɩ wa yi a-a Lagɔ ˈwʋ ˈyɩbhänɩɛ ˈn sɛɛ Biblë sɩɛ zɛmö ˈtɩɩ, ˈmö peliodikö nɩ yɩlɩɛ yɔwʋ.”