ˈCɩɛcɩɛ-kïbhëa 1

-Mii Lagɔ yɩbhää sɛɛ -a ˈkɩɩ bhä yɩbhlɩnɩ ˈnɩ?

Wɛlɩ kïbhïï a -mii kä bhä dɛsɛ yɩ -wʋ bhä -mä Biblë ˈmö ˈnɩ? (1)

Ɔ -bhɛ bhä ˈn Biblë yi bhä ˈyli ˈwlʋ ˈnɩ? (2)

ˈSaa kä bhä ˈnglɩ ˈn a ˈkä bhä Biblë ˈcɩɛ ˈnɩ? (3)

1. ˈNyɛnyɛlu a -mu kä dɛsɛ Lagɔ -nyɩanyɩɛ, mu lɛ Biblë mu. Sɛɛ dɩba -wa ɔ yuë ˈn ɔ celuë ˈbɔgʋ ˈwʋ, -sɩbhä ma-a. Mɛ -cɩanyɩɛ gbëaa Lagɔ a dɔˈwʋ, ˈɔ -wʋwʋsaa -nyɛ ˈɔ dlɩpäsaa ˈsɔ. -A -kä gbʋ ghlɩ, sɛ -a ˈkää ˈzʋ -a kʋ ngli ˈwlʋ ˈn -a ˈkää jɔlʋ a jɔlʋ ghlɩ, ˈmö Biblë -sʋlʋnɩnyɩɛ. Sɛɛ -a ˈkää ˈzʋ ˈn -aˈa nɛmönɛmösaa ˈkää Lagɔ dlɩ yɔwʋ nɛnɩ, Biblë a ˈyize mɛ -sʋlʋnɩnyɩɛ -sɩbhä.—Psaume 1:1-3; Isaïe 48:17, 18.

2. Nɩkpa a 40 a sɛ mʋa ˈcɛlɩɛ Biblë. Wa ˈcɛlɩnɛ ˈylʋbö a 1600 ˈmö. ˈYlʋbö a 1513 tʋʋ -mä Zezwii a ˈtɛnyɩ ˈkä ghlɛ, ˈn wa yiɛ ɛ libhoo tɛɛ. -Mä ɛ ˈmö a bɔgwɩɩ -bhli 66. Lagɔ ˈa ˈwugɔmʋʋ muu -wuëë -gömö ˈn wa yiɛ Biblë ˈcɛlɩ. Maa ɛˈɛ -bhö waˈbhï a dlɩpäsaa ma. Zaa, Lagɔ ɔ -wʋä -mä zlɩ ˈmö, mɔɔ -bhɛ ˈn Biblë yiɛ ˈyli ˈwlʋ. Maa ɛˈɛ -bhö nɩkpa muë.—2 Timotee 3:16, 17; 2 Piɛlɩ 1:20, 21.

3. Biblë a ˈcɛlɩcɛlɩlibhoo ˈla, Lagɔ mɔɔ ˈzʋnuë ˈyli ˈn ˈwʋ yiɛ sasɛ zɛmö bhɩɛ. Mäˈä dʋdʋ ˈwʋ, ˈbɔgʋ a -mu wa bia -wʋ ziɛ Biblë ˈwʋ, ˈnɩɛ -bhölɩ. -Naˈa Biblë a ˈcɩɛcɩʋ ˈna ˈkä -mumuë dlɩ yɔwʋ nɛnɩ, yɩ nɩ tɩmö a swɩɩ yɔwʋ ˈkuanɩ ˈlɩlɩlɩ. Maa wa yi mö aˈbhë -gblɩ -këë -n -kä Lagɔ yɩbhlɩnɩ, -n -kä ˈsaa ɔ ˈyɩbhä nʋ, -n yi ˈkwädlɩkwädlɩnɩ -bhölɩ.—Matie 5:10-12; Zaah 17:3.