ˈCɩɛcɩɛ-kïbhëa 15

A nɩ kwänɩ -mumuë wa ˈkä ˈsaa Lagɔ yɩbhää nʋ

-Mii a ˈcɩɛ, ˈsaa ˈkä bhä ˈnglɩ ˈn a kɩɩ bhä nɩkpa -mumuë sʋlʋnɩ ˈnɩ? (1)

-Mɔɔ a ˈkä bhä ˈtɩtɩ a -tɩtɩɩ ˈnyɛ ˈnɩ? (2)

ˈSaa ˈa nɛmönɛmösaa ˈkä bhä nɩkpa -mumuë ˈwlu nʋ ˈnɩ? (2)

ˈTɛnyɩ -mɛ ˈmö a -nyɛ -zɩkpa ˈmö a -nʋa ˈsɔ ˈkä bhä lagɔwɛlɩɩ bia ˈnɩ? (3)

1. Biblë kanyɩ a -sɩkaa -li a -li a -bɛ sʋlʋnɩ. Zaa -lii a ˈcɩɛ daa yeanyɩ -mä ˈsunɩ, nzɩ ˈa nɛmönɛmösaa ˈkä lagɔsɛ wʋ. (Ɛfɛɛzɩ a -nʋa 4:22-24) -Mii a ˈcɩɛ daa, mɩɩ ˈkää ˈnglɩ kä, nzɩ a ˈkä ˈpɩwʋ mää ˈnaa ˈkää ˈyli bhɩɛ ghlɩ. (Zaah 17:3) Maa nɩkpa -mumuë yɩbhä wa ˈkä ˈtɩtɩ a -tɩtɩɩ ˈnʋ, nzɩ wa ˈkä ˈpʋpʋɛ ghlɩmö. -Tiamö a Klɩtɩɛwa ˈwuë kä wa ˈkä ˈtɩtɩ a -tɩtɩɩ bia. Lagɔ mɔ ˈpää -lɩbhä a gba.—Ghlɔɔmö a -nʋa 10:10; 1 Kɔlɛɛtɩ a -nʋa 9:16; 1 Timotee 4:16.

2. -Li a -li a ˈcɩɛ, a nɩ tɛɛnɩ a yɔwʋ a -nʋa ˈwʋ, nzɩ a ˈkʋänyɩ ˈnyɛ. A -lowluwa, a tuawa -nyɛ a -nyɛ plɛnɩɛ ˈgämö -suku, a -nyɛ nʋnɩɛ ˈgämö libhoo ˈsɔ, a nɩ nyʋa lagɔwɛlɩɩ. A ˈkʋä lagɔwɛlɩɩ ˈnyɛɛ yie, a nɩ nɛnɩ dlɩzɛmö, a nɩ käˈɛ dlɩˈmökpaanɔ. (2 Timotee 2:24, 25) -A nɩ ligba nɩɩ, -aˈa nɛmönɛmösaa -nyɛ -aˈa ngli a wɛlɩ ˈsɔ a dɔˈwʋ, -aˈa nɛmönɛmösaa ˈmö wa yɩlɩɛ ˈwʋ ˈwë, ˈn ˈwa -pʋnɩnyɩɛ bhäla ˈyukwli. Zaa, -aˈa nɛmönɛmösaa -kä lagɔsɛ ˈwʋʋ, yɩ yʋa -mä ˈsunɩ, nzɩ wa ˈkä lagɔwɛlɩ ˈla ˈyukwli -pʋnɩ.—Matie 5:16; 1 Piɛlɩ 3:1, 2, 16.

3. ˈTɛnyɩ -bhlʋ yi ghlɛ, saa lagɔwɛlɩɩ yɩbhää, ˈn a kɩɩ nʋʋ, a -nyɛ Zoova ˈa Bhlɩnɩwaa a -zɩkpa a -wʋä -lɛ a yɔwʋ ˈsɔ, a yi ˈgämö lagɔwɛlɩɩ bianɩ. A ˈkä lagɔwɛlɩɩ a dɔˈwʋ ˈyukusɛ mö a tɛɛnɩda ma. (Matie 24:14) ˈN a nɩ -kä nɩkpɛ kwänɩ ɔ kä Lagɔ ˈa wɛlɩɩ ˈwʋ nglu. Ɔ kä Zoova a -nɔɔ ˈzʋ, ɔ ˈkä ˈkwädlɩkwädlɩnɩ -bhölɩ a dɔˈwʋ, ˈmäna ˈkäda yɩ nyɛɛ!—1 Tesaloniikö 2:19, 20.