ˈCƖƐCƖƐKÏBHË 8
Sɛ yɩ -wʋ ɔ ˈmö ˈn Lagɔ -bhölɩ bhä ˈn -lizoku ghlɩɲɩ ɔ ˈnɩ?
1. Sɛɛ -lizoku tɛɛ ɔ ˈnɩ?
Lagɔ mɔɔ ˈtatinɩɛ nɩkpa ˈyi wa ˈkä ˈkämanɩ, wa ˈkɩ ˈylɩmö nɩɩ, waˈaa bhɛnɩ wa ˈkä mäˈä ˈpɩwʋ a -lizokuu ˈwuë ˈyli bhɩa.
Dɛɛ Sataa -sɛɛ tɛkäyiodɩ, -lɛ -lizoku tɛɛ mäˈä dʋdʋˈwʋ. Sataa, zuzukwë -aaa -maa yɔwʋ -kä, ˈmö ɔ glɩnɩ a-a. Maa “ɔˈɔɔ gbëaa ˈmö -kä ˈlɩlɩlɩ.” (Zaah 8:44) Sɛɛ wa bʋbɔ a-a Lagɔ, -sɩbhä ɔ yɩbhä a-a nɩɩ, wa nɩ bʋbɔɔ. Tɛkäŋlɔɔ Ɛɛvö ˈmö Sataa nʋä ylʋ ˈn ɔ yiɛ ˈɔ wɛlɩɩ ˈwʋ ŋlu, ɔ yiɛ Lagɔ ˈklʋkpamö -sɛ. Adaa yiˈɛɛ ɔbhlɩ Lagɔ ˈklʋkpamö -sɛ, ˈɔ ŋlɔɔ a saa. Adaa nʋä daˈa, mii -lɛmöä ˈzwɩzize -ɲɛ ˈkwie ˈsɔ.—-A zɛlɩ Genèse 3:1-6, 19 ˈmö.
Sataa nʋä nɩɩ, ŋlɔɔ nɩ -sɛ Lagɔ ˈklʋkpamö, Lagɔ ˈa ˈKämanɔɔ ˈmö ɔ tlinɩɛ kplɩ sɛ. Nɩkpa a -bɛ, Sataa ˈmö wa ŋlunɩɛ zaa, Lagɔ ˈa ˈKämanɔɔ ˈmö wa panɩɛ -gömö. Saˈa -sɩbhä Sataa ˈzʋä nza ɔ “ˈkämanɩɛ mäˈä ˈpɩwʋ a nɩkpaa -gömö.”—-A zɛlɩ Zaah 14:30 -ɲɛ 1 Zaah 5:19 ˈsɔ ˈmö.
2. Lagɔ ˈa -bhɛbhɛlii kä a-a ɔ -maa yɔwʋ -a?
Lagɔ ˈa -lii ˈwuë ɔ -bhɛɛ ˈnɩɛ -maa yɔwʋ -kä ˈlɩlɩlɩ. Ɲɩbhɛlʋ, ˈŋlɔ, -ɲɛ lagɔzuzukuu Lagɔ ˈwäla a-a ˈsɔ, bhɛnɩ a-a wa ˈkä Lagɔ ˈklʋkpamö ˈzʋ ˈtɩɩ. (Deutéronome 32:4, 5) Lagɔ ˈwälaɲɩ a-a, ɔ -nɩɲɩɛ -glasɛ -su. Maa ɔ yɩbhä nɩɩ, -li a -lii -ɲɛ -lizoku ˈsɔ a dɔˈwʋ, -aɲɩgäsɛ a nɩ -sɛ -lɛ ˈsaa -a ˈkää nʋ. Zaa, -a bhɛnɩ -a ˈkä tula nɩɩ, -a -wa -tiamö Lagɔ.—-A zɛlɩ Zaakö 1:13-15 -ɲɛ 1 Zaah 5:3 ˈsɔ ˈmö.
3. Sɛ yɩ -wʋ ɔ ˈn Lagɔ -bhölɩ bhä ˈn ˈzwɩ ziɲɩ ɔ -bhlɛ ˈyize ˈnɩ?
Tɛɛnɩ dɛɛ Adaa -sɔɔ ˈklʋkpamö, Zoova ˈnɩɛ ˈklʋkpamösɛwaa -lu nʋ. -Yɩ kä ɔ ˈŋlɩ ˈnɩ? Miɛ nɩɩ, ɔ yɩbhä ˈbhlɩbhë ˈkä sɛ yɩbhlɩnɩ nɩɩ, ˈɔ ˈkämanɔɔ a ˈyize mʋʋ bhɛnɩɛ wʋ ˈkä nɩkpa -jɔlʋ ˈɲɛ. (Ecclésiaste 7:29; 8:9) ˈYlʋbö a 6.000 nɩkpa ˈkämanɩɛ ˈmö, ˈnɩɛ dɛ ghlɛ. Mii tulaa nɩɩ, ˈpɩwʋ a ˈkämanɩwaa ˈnɩɛ bhɛnɩ wa ˈkä tʋ, ˈkulɩbhälɩbhʋ, -bi -ɲɛ gu ˈsɔ ˈyli bhɩa.—-A zɛlɩ Jérémie 10:23 -ɲɛ Ghlɔɔmö 9:17 ˈsɔ ˈmö.
Nɩkpa ˈa ˈkämanɔɔ -ɲɛ Lagɔ ˈa -nʋ ˈsɔ ˈnɩɛ ˈwlʋnɩ. Ɛˈɛ -bhö ɲɩasɛ, maa -wa ŋluä ˈwʋ Lagɔ ˈa ˈKämanɔɔ ˈkuë -su, wa yi -li a -lii ghlɩ. (Isaïe 48:17, 18) Zoova yiaˈa -pa ˈkämanɔɔ a kii ˈwuë ˈyli bhɩa. Nɩkpaa -wa ŋluä ˈwʋ Zoova ˈkuë -su, wa ˈyize mʋa ˈkää mäˈä dʋdʋ ˈwʋ -bhölɩnɩ.—-A zɛlɩ Daniel 2:44 ˈmö.
A nɩ ylɛ video -Yɩ kä ɔ ˈŋlɩ ˈn Lagɔ ˈtatinɩ ɔ -lizoku ˈyi ˈn yɩ ghlɩɲɩ ɔ ˈnɩ?
4. ˈSaa kä ɔ ˈŋlɩ ˈn Lagɔ -kpaanɩ ɔ dlɩ ˈmö ˈnɩ?
Sataa lɛ naa, nɩkpɛ ˈnaa ˈkä Zoova ˈa libhoo nʋ, ˈn ɛ ˈnɩ -bhö ɔ ˈkɔ -lu ˈmö ghlɩnɩ a za. -A bhɛnɩ ɔ -a ˈkä tula nɩɩ, Sataa yioɲɔ ɔ glɩnɩɛ -a? Nn, -a bhɛnɩ! Nɩkpɛ -ɲɛ Lagɔ ˈsɔ a glaˈmö, -mɔ -a yɩbhää ɔ nɩ ˈkämanɩɲɩ -gömö, -a ˈkɔ -lɛ -sɛ nza Lagɔ -kpaanɩɛ dlɩ ˈmö. Sɛɛ -a -suä -aˈa zɩkpaa, mii tulaa -mɔ -a -sɛɛ -lɛ.—-A zɛlɩ Job 1:8-11 -ɲɛ Proverbes 27:12 ˈsɔ ˈmö.
5. Sɛɛ -a ˈkä ɔ Lagɔ -aa ˈKämanɩɲɔ a sɛ ˈwʋ ˈlibhï ˈnɩ?
-Aˈa nʋnʋli ˈmö, -mä wa yɩbhlɩnɩɛ sɛ nɩɩ, -a yɛ Lagɔ ˈa ˈKämanɔɔ ˈwʋ ŋlu.
Sɛɛ -a libhïä Lagɔ -aa ˈKämanɩɲɔ a sɛ ˈwʋ, miɛ nɩɩ, -a kä -a ˈkä Lagɔ a -tiamö a bʋbɔbʋbʋ ˈcɩɛ -mä Biblë ˈmö, nzɩ -a ˈkʋ -gänɩ. (Zaah 4:23) -A ˈnɩ pölitikö ˈmö -wʋ, -a ˈnɩ tʋ gwɩ Zezwii a saa, mii tulaa nɩɩ, -aaa ˈyɩbhä nɩɩ, Sataa nɩ ˈkämanɩɲɩ -gömö.—-A zɛlɩ Zaah 17:14 ˈmö.
Sataa, ˈɔ ˈmötɛɛnɔɔ ˈmö ɔ libhïä ˈwʋ ˈn ɔ ˈsunɩɛ -mä nɩkpa ˈn wa pää dlɩ nɩɩ, ˈsaa -ɲuä Lagɔ dlɩ yɔwʋ, ˈnɩɛ ˈɲiɲloli glɩnɩ. -A -kä -lizoku ˈla ˈwuë kɛˈmö -sɛ, -aˈa bhɛya, -ɲɛ -aˈa -kosu yɔwʋ a -nʋa ˈsɔ -yiɲɩ -ɲɩɛnɩ, wa -yiɲɩ ˈzwɩ zia. (1 Piɛlɩ 4:3, 4) Zaa, -a kä -a ˈkä ˈsaa -a yɩbhää -lɛ -sɛ. -Wa -waa Lagɔ, ˈmö -a -ɲɛ ˈkä ɔ ˈwʋ -bhlinɩ -a? ˈƆ ˈdɩmözʋwɛlɩɩ ˈn ˈɔ gböö -yɩ kää ˈŋlɩ ˈn -a nʋä nɩɩ ɔ -waɲɩ, -a yi ɔ ˈmö nɛmönɩ -a? -A -kä -sɩbhä ˈzʋʋ, -a yi nɩkpa ˈylimö tulanɩ nɩɩ, Sataa yio ɔ kä a-a, dɛɛ ɔ nʋä nɩɩ nɩkpa -kä ˈzwɩ zi dɔˈwʋ -wʋ, wa ˈnaa ˈkä Lagɔ ˈklʋkpamö ˈzʋ.—-A zɛlɩ 1 Kɔlɛɛtɩ 6:9, 10 -ɲɛ 1 Kɔlɛɛtɩ 15:33 ˈsɔ ˈmö.
Lagɔ -waɲɩ zaa, -a kɩ dlɩ ˈwʋ nɩɩ, -lizoku -ɲɛ ˈzwɩzize ˈsɔ yi ˈyli bhɩɛ. -Wa tulaa nɩɩ, wa ˈtɛɛnɩ Lagɔ dlɩ mʋa ˈkää ˈkwädlɩnɩ mäˈä dʋdʋ ˈwʋ -bhölɩnɩ.—-A zɛlɩ Zaah 3:16 ˈmö.