-Ɔ ˈkämanɩ ɔ mäˈä ˈpɩwʋ a nɩkpa ˈwuë -gömö ˈnɩ?

SƐ BIBLË GBÄÄ

“Zuzukuzoku a ˈkifii mɔɔ ˈkämanɩɛ mäˈä ˈpɩwʋ a nɩkpa ˈwuë -gömö.”​—1 Zaah 5:19.

“Lagɔ a Yowli yiɛ mäˈä dʋdʋ ˈwʋ [...] ɔ ˈkä Zuzukuzoku a ˈkifii ˈa nʋnʋlii ˈwuë ˈyli bhɩa a za-a.”—1 Zaah 3:8, ˈMänatɩtɩ.

-LI A -LII A ˈKÄÄ -MÄ ˈA ZƖKPA ˈMÖ GHLƖ

ˈBhlɩ ˈwuë -gömö a yɔlɔylʋ a zɛmösɛna.​—ˈKlʋkälɩwɛlɩɩ 12:12.

Mɩɩ ˈkää ˈŋlɩ -kä -a ˈkɩ dlɩ ˈwʋ -kä nɩɩ, -aˈa zɩkpa yi bhäla nɛnɩmanɩ.​—1 Zaah 2:17.

-A YI Ɔ SƐ BIBLË GBÄÄ DƐˈƐ -TIAMÖ DLƖ ˈWƲ -KÄ -A?

Nn. Kïbhï ˈlɛ ta -kpɔ a za:

• Sataa ˈa ˈkämanɔɔ ˈnaa ˈkä ˈwʋ plɩ. Zoova yɩbhä ɔ ˈkä Sataa ˈa ˈkämanɔɔ sɛ -sɛ. Ɔ lɛ nɩɩ, “ɔ yi zuzukuzoku a ˈkifii [...] ˈyli bhɩa ˈlɩlɩlɩ” ˈn ɔ ˈkää -lii ˈwuë Sataa ɲima a-a ˈwlu gïganɩ.​—Ebleewaa 2:14, Traduction du monde nouveau.

• Zezwii Klii ˈmö Lagɔ -sɛ -lɛ ɔ ˈkä ˈbhlɩbhëa -gömö ˈkämanɩ. Zezwii -ɲɛ mäˈä ˈbhlɩ ˈwuë -gömö a ˈkämanɩɲɔ, -ɔ kää ˈkpʋkpʋ ˈsɔ ˈnɩɛ ˈwlʋnɩ. Zezwii ˈa ˈkämanɔɔ a dɔˈwʋ, Lagɔ lɛ nɩɩ: “Ŋäzɩwa -ɲɛ pʋawa ˈsɔ, ˈmö ɔ ˈkää ˈwʋ yi [...] Ɔ ˈkuë yɔlɔylʋ -ɲɛ glakäkʋ ˈsɔ ŋli -sɛ.”—Psaume 72:13, 14.

• Lagɔ -ɔ kää gbëaa a ˈyize ŋlii. Biblë lɛ nɩɩ: “Lagɔ ˈa wɛlɩɩ ˈnɩɛ yio ˈmö -kä ˈlɩlɩlɩ.” (Ebleewaa 6:18) Zoova -kä ɔ ˈkä -lu nʋ, -a kɩ dlɩ ˈwʋ nɩɩ, ɔ yu nʋ klɩpaa. (Isaïe 55:10, 11) “Zuzukuzoku a ˈkifii ˈa ˈkämanɔɔ yi a -pa ˈbhlenɩ.”—Zaah 12:31.