-Wa yɛɛ ˈku ˈwë yi ɔ -tiamö ˈwʋ ˈsɔ -bhölɩnɩ -a?

SƐ BIBLË GBÄÄ

“Nɩkpaa -wa yɛɛ ˈku ˈwë, Lagɔ yi wa ˈwuë glu -sɛ.”—Tietiewaa 24:15, ˈMänatɩtɩ.

-LI A -LII A ˈKÄÄ -MÄ ˈA ZƖKPA ˈMÖ GHLƖ

-Aa dlɩsɛkänɩkpɛ -kä ˈku, sɛ wa paaɲɩɛ swɩ ɲɛmʋ ˈmö.—2 Kɔlɛɛtɩ 1:3, 4.

ˈKwie ˈa ŋanɔɔ ku ˈmö -sɛ.—Ebleewaa 2:15.

-Aa dlɩsɛkänɩkpaa -wa yɛɛ ˈku ˈwë, -a nɩ kɩ dlɩ ˈwʋ nɩɩ, -a yuë ˈwʋ ˈsɔ ˈylɩmö ˈyɩnɩ.—Zaah 5:28, 29.

-A YI Ɔ SƐ BIBLË GBÄÄ DƐˈƐ -TIAMÖ DLƖ ˈWƲ -KÄ -A?

Nn. Kïbhï ˈlɛ ta -kpɔ a za:

• Lagɔ mɔɔ ˈɲɛɛ nɩkpɛ -bhölɩbhölɛ. Biblë lɛ nɩɩ, Lagɔ Zoova “mɔɔ ˈɲɛɛ -bhölɩbhölɛ.” (Psaume 36:9; Tietiewaa 17:​24, 25) Ɔ ˈyize, mɔɔ -bhɛɛ mäˈä ˈpɩwʋ a -lii ˈwuë, zaa ɔ bhɛnɩ ɔ ˈkä -ɔ yɛɛ ˈku ˈwë glu -sɛ.

• Lagɔ -sɛ a-a bhlaˈmö nɩkpa glu. Nɩkpa -gbʋäta, ɲɛgbayuëa, ɲɛkpökpö, ɲɩbhɛlɩ -ɲɛ ŋwlɩ ˈsɔ, Lagɔ -sɛ glu mäˈä dʋdʋkpäta ˈklʋ, wa dɛ Biblë bhïla. -Mumuë yɛ a-a ˈku, -lɛ ˈnɩɛ -bhlɛ ˈmö gwälɛ, maa -bhlʋ aˈbhë -sɛ -mä lesikpëa ˈmö ˈylɩ -mʋäna.—Zaah 11:39-44.

• Lagɔ yɩbhä ɔ ˈkä nɩkpa glu -sɛ cuu. Zoova ˈnɩɛ ˈkwie yɩbhä ˈlɩlɩlɩ. ˈƆ -gblɩɲɔɔ ˈkɔdɔ, mɔɔ ˈkwie. (1 Kɔlɛɛtɩ 15:26) Ɔ yɩbhä ɔ ˈkä glusɛsʋ ˈmö ghlɛnɩ “cuu” ɔ ˈkä ˈkwie sɛ -sɛ. Waɲɩ dɛ ˈɔ dlɩ pöä, ɔ yɩbhä ɔ ˈkʋä glu -sɛ, wa ˈkä ˈwʋ ˈsɔ mäˈä dʋdʋ ˈwʋ -bhölɩnɩ.—Job 14:14, 15.